БНХАУ-ын ӨМӨЗО-ны Засгийн газрын тэтгэлэгт тэнцсэн Баянгол дүүргийн хүүхдүүдэд урилга гардууллаа.
Энэ үеэр Баянгол дүүргийн Засаг дарга Ө.Сумъяабаатар "Төгсөх ангийн хүүхдүүддээ гадаад улсад суралцах тэтгэлэг олоход нь туслах, дэмжлэг үзүүлэх, мэргэжлийн байгууллагатай хамтарч ажиллах зорилго тавьсан.
Үүний хүрээнд BTG академитай хамтраад БГД-ийн төгсөгчдөд сонирхсон мэргэжлээрээ тэтгэлэгт хамрагдахад нь гүүр боллоо. Баянгол дүүргээс БНХАУ-ын ӨМӨЗО-ны Засгийн газрын тэтгэлэгт 10 хүүхэд тэнцсэн.
Өнөөдөр тухайн тэтгэлэгт тэнцсэн хүүхдүүдэд амжилт хүсэн баяр хүргэж, албан ёсоор урилгыг нь гардуулж өгч байна. Гол нь хүүхдүүд өөрсдөө тэтгэлэгт материалаа бүрдүүлж байгаа. Дүүрэг болон мэргэжлийн байгууллагын зүгээс цааш нь холбож өгөх, зохион байгуулах тал дээр анхаарч ажиллалаа. Цаашид улам өргөжүүлнэ." гэлээ.
