"Цемент шохой" ТӨХК-ийн гүйцэтгэх захирал Л.Наранбаатар цаг үеийн асуудлаар мэдээлэл өглөө. Энэ үеэр тэрбээр сэтгүүлчдийн асуултад хариуллаа. 

Тэрбээр "Цемент шохой"-н үйлдвэр урлагийн тоглолт, Бумбын тахилгад, архи согтууруулах ундаанд мөнгө зарцуулсан, сэтгүүлчдийн уулзалтад 500 мянган төгрөг зарцуулсан гэх мэдээлэл гарсан. Энэ талаар тайлбар өгье. Амарбаясгалант хийдэд 5.9 сая төгрөг зарцуулсан. Манай үйлдвэр 40 жилийн турш хийдэд очиж үйлдвэрээ даатгаж ирсэн. Энэ үеэр 60 мянган төгрөгөөр ажилчид шар айраг уусныг тогтоосон. Нийслэлд манай ажилтнууд бизнес төлөвлөгөө боловсруулах үетэй давхацсан. Гэхдээ чухам хэн шар айраг уусныг тогтоож чадаагүй, энэ төлбөрийг барагдуулуулсан.               

Захирлын зөвлөлийн хурлаар төлөвлөсөн ажлууд ил болсон. Аудитын тайланд 400 тэрбум төгрөгийн зөрчилтэй гэж дүгнэсэн. Зөрчил гэдэг нь тухайн байгууллага мэдээллээ дутуу өгсөн,  мэдээлэл нь өөр хоорондоо нийцээгүй бол зөрчил гэж дүгнэдэг юм байна.

70 тэрбум төгрөгийн зөрчил бүртгэснийг Л.Наранбаатар идэж уусан гэж буруу дүгнэж байна.

Бид аудитын байгууллагад бүх мэдээллээ өгсөн" гэв. 

Д.Батчулуун