Ой, хээрийн түймрийн нөхцөл байдлын талаар ОБЕГ-ын Гал түймэртэй тэмцэх газрын дарга, хурандаа Ц.Нямбаяраас тодрууллаа.
Тэрбээр "Өнөөдрийн байдлаар улсын хэмжээнд 8 аймгийн 15 суманд 25 удаагийн түймрийн дуудлага бүртгэгдсэн.
Онцгой байдлын алба хаагчид Увс аймгийн Бөхмөрөн суманд гарсан түймрийг цурамд оруулж, бүрэн унтраахаар ажиллаж байна.
Мөн Булган аймгийн Хутаг-Өндөр, Сэлэнгэ сумын заагт гарсан түймэрт Дархан, Сэлэнгэ, Орхон аймгийн ОБ-ын газрын 85 алба хаагч ажиллаж байгаа. Одоогоор 25 удаагийн түймэрт 200 мянга орчим га талбай өртөөд байна" гэх урьдчилсан мэдээллийг өгөв.
