Сарнай, Болороо хоёр төгөлдөр хуур, Сүндэрээ хийл хөгжимд тус тус шамдан суралцаж байсан ба бага наснаасаа сонсож өссөн Америкийн алдарт рок, поп одуудын адил алдартай дуучид болохыг үргэлж мөрөөддөг байжээ. Хичээлийнхээ дараа, мөн амралтын өдрүүдээр цуглан дуулах, орчин үеийн гадаадын хамтлаг дуучидын шинэ дуу хөгжим, хөгжмийн ертөнц дэх шинэ сонин, мэдээ мэдээллүүдийг сонирхон судлах нь тэдний хийх дуртай зүйлс байв. “Энэ бол бидний нөхөрлөлийн “алтан үе” бөгөөд хамтлагийн маань эх үүсвэр байсан” гэж тэд одоо ч дурсан ярьдаг. Сонирхуулахад, хамгийн анх Эмошин хамтлаг гарч ирэхэд дуучин С.Сэрчмаа гишүүн нь байсан гэдэг. Тэгвэл тэд анх гарч ирж байхдаа ямаршуу охид байсан бол?.