БНХАУ-ын эрх баригчид Төвдийн оюун санааны удирдагч Далай ламыг олон төвдүүд зулын гол болсонд буруутай хэмээн шүүмжилсэн талаар BBC мэдээллээ.

БНХАУ-ын эрх баригчид Төвдийн оюун санааны удирдагч Далай ламыг олон төвдүүд зулын гол болсонд буруутай хэмээн шүүмжилсэн талаар BBC мэдээллээ.

Харин Японд айляилж байсан Далай лам шүүмжлэлийн хариуд “Хятадын Засгийн Газар хүмүүс яагаад тэмцэж байгаа, тэмцэхдээ яагаад өөрийгөө шатааж байгаа шалтгааныг хайхрахгүй байна. Оронд нь намайг буруутгахыг л хүсч байна” хэмээн хэлжээ.

Хятадын Гадаад хэргийн яам Далай ламыг тэмцэгчдийг өөрийгөө шатаах явдлыг дэврүүлж байна хэмээн буруутгажээ. Тус яамны хэвлэлийн төлөөлөгч Хон Гей “Далай лам өөрсдийгөө шатаагсдыг буруутгах нь битгий хэл үндэсний хууль, шашны зарчмийн эсрэг тэдний үйлдлийг дэвэргэж байна” хэмээн мэдэгдсэн байна. 

Мөн тэрээр Далай ламыг газар нутгийн асуудалтай байгаа баруунтан болох Японы талд орж байна хэмээн буруутгасан байна. “Далай лам арлын асуудалтай байгаа японд айлчлахдаа япон нэр ашигласан” гэжээ.

Төвдэд явуулж буй Хятадын харгис бодлогыг эсэргүүцэж 2011 оноос хойш 70 хүн зулын гол болсон юм. Өнгөрсөн долоо хоногт Бээжин хотноо эхэлсэн Хятадын шинэ удирдагчийг сонгох Коммунист намын 18 дугаар их хурлыг эсэргүүцэж долоон хүн өөрийгөө шатаажээ. Тэмцэгчдийн мэдээллийг Хятадын эрх баригчид олон улсад нэвтрүүлэхгүй байхыг зорьж, зулын гол болох хүний талаарх мэдээллийг өндөр үнээр худалдаж авна хэмээн зарлажээ.