Хууль зүйн сайд Х.Тэмүүжин сайд болсныхоо дараахан Төрийн тусгай алба хаагчдын нэгдсэн эмнэлгийн барилгыг оффисын зориулалтаар ашиглахаа илэрхийлсэн. Түүний саналын Засгийн газрын ээлжит хуралдаанаар хэлэлцэж, Х.Тэмүүжиний саналыг дэмжсэн шийдвэр гаргасан билээ. Иймд Төрийн тусгай албан хаагчдын нэгдсэн эмнэлгийн эмч, албан хаагчид “Ард түмэнд эмнэлэг хэрэгтэй, Нийслэлийг нэгдсэн эмнэлэгтэй болгоё” хөдөлгөөнийхөнтэй хамтран Сүхбаатарын талбайд жагсаал зохион байгуулж, Хууль зүйн сайд Х.Тэмүүжин, ХЗЯ-ны Төрийн захиргааны удирдлагын газрын дарга Н.Мягмар нарыг шүүхэд өгсөн юм.
Учир нь тэд Хууль зүйн сайд холбогдох хуулиудыг зөрчин ийм шийдвэр гаргасан. Харин Төрийн захиргааны удирдлагын газрын дарга Н.Мягмарыг олон нийтэд ташаа мэдээлэл тараасан гэдэг үндэслэлээр Чингэлтэй дүүргийн шүүхэд гомдол гаргажээ. Шүүх гомдлыг хүлээн авч хэлэлцээд гомдлыг хэрэгсэхгүй болгож, шийдвэрлэсэн байна.
Б.Золбоо
