Египтийн нийслэл Кайро хотын Тахрирын талбайд “дарангуйлагч” ерөнхийлөгчийг эсэргүүцсэн мянга мянган хүний жагсаал болжээ. Олон тооны хүмүүс бухимдаж, цагдаа нартай мөргөлдөхөд хүрсэн байна. Гэхдээ өчигдрийн жагсаалаар амиа алдсан тохиолдол гараагүй аж.
 

    Египтийн нийслэл Кайро хотын Тахрирын талбайд “дарангуйлагч” ерөнхийлөгчийг эсэргүүцсэн мянга мянган хүний жагсаал болжээ. Олон тооны хүмүүс бухимдаж, цагдаа нартай мөргөлдөхөд хүрсэн байна. Гэхдээ өчигдрийн жагсаалаар амиа алдсан тохиолдол гараагүй аж.

    Египтийн хамгийн анхны ардчилсан замаар сонгогдсон ерөнхийлөгч Мухаммед Мурси албан тушаалаа авснаас таван сарын дараа Израйль болон Палестины эрх баригчдыг энхийн хэлэлцээ байгуулахад зуучлагч болсон юм. Харин энэ явдлаас долоохон хоногийн дараа тэрбээр хэмжээлшгүй эрхт хаан шиг эрх мэдэлтэй болохыг хүссэн юм.

    Тэрбээр өнгөрсөн долоо хоногийн пүрэв гарагт өөрийнх нь гаргасан шийдвэр, тушаалийг ямар ч шүүх хэлэлцэн батлахгүй бөгөөд хэн ч өөрчилж болохгүй хэмээх зарлиг гаргасан юм. Ерөнхийлөгчийн энэхүү мэдэгдэл Египтэд эмх замбараагүй байдал үүсгэж, ард иргэд босоход хүргэсэн байна.

    Египтийн 34 шүүх танхмийн 27 нь, нийт прокуроруудын 90 хувь нь ажил хаясан байна.

“Энэ бол шүүх систем рүү дайрсан хамгийн хэрцгий, урьд өмнө гарч байгаагүй хэрэг боллоо. Бидэнд ажил хаяхаас өөр сонголт алга” хэмээн нэгэн шүүгч “CNN”-д ярьжээ.

Өчигдөр Мухаммед Мурси Египтийн Дээд шүүхийн зөвлөлийн гишүүдтэй зарлигийнхаа талаар уулзсан байна. Зөвлөлийн гишүүд түүнийг дэмжих хандлагатай байсан ч уулзалтынхаа дараа ерөнхийлөгчийн эсрэг байр суурьтай байгаагаа мэдээлжээ.

Тахрирын талбайд цугласан босогчид “Египтийн бүх ард түмэн Мурсигийн мэдэгдлийг эсэргүүцэж байна” хэмээн хашгирч байжээ.