БАРИМТ 1
2004 оны тавдугаар сарын 27-нд Архангай аймгийн Батцэнгэл суманд мэндэлжээ.
БАРИМТ 2
Архангай аймгийн Бөхбилэгт дэвжээг төлөөлөн барилдаж байна.
БАРИМТ 3
2022 онд Булган аймгийн Баяннуур суманд Сумын начин цол хүртсэн.
БАРИМТ 4
2023 онд Дундговь аймгийн Эрдэнэ суманд Сумын заан цолонд хүрчээ.
БАРИМТ 5
Түүний аав Б.Мөнхбаатар нь Улсын үнэн зоригт харцага Б.Зоригтбаатарын төрсөн ах билээ.
БАРИМТ 6
Монгол бөхийн өргөөнд болдог Сумын заан цолтой болон залуу бөхчүүдийн барилдаанд хоёр удаа дөрөв, нэг удаа гурав давсан бөх.
БАРИМТ 7
Монгол үндэсний бөхөд Баяржавхлан нэртэй, тэр дундаа "М" овогтой гурван бөх тодорсны нэг нь тэр. Тодруулбал, Улсын гарди Махбалын Баяржавхлан, Аймгийн арслан Мягмардоржийн Баяржавхлан нарын бөхчүүд багтана.
БАРИМТ 8
Тэрбээр өнөө жилийн Орхон аймгийн баяр наадамд тав давж, начин цолны болзол хангасан ч баяр наадмын тухай хууль зөрчсөн учир уг наадамд цол олгохгүй байхаар шидсэн.
БАРИМТ 9
2024 оны тавдугаар сард болсон Архангай аймгийн Өлзийт сумын 100 жилийн ойд зориулсан, тус сумаас төрөн гарсан улсын цолтнуудын нэрэмжит барилдаанд тэрбээр шөвгийн 16-д шалгарчээ. Тэгэхдээ нэгийн даваанд Аймгийн арслан С.Цогтбаатарыг, хоёрын даваанд Улсын заан Ц.Одбаярыг, гурвын даваанд Улсын начин Г.Ганжадыг тус тус давжээ.
БАРИМТ 10
Тэрбээр саяхан өндөрлөсөн Залуучуудын УАШТ-д дөрөвдүгээр байр эзэлсэн юм. Тэгэхдээ нийт 33 барилдаан хийж, 27 давжээ.
БАРИМТ 11
2023 оны УАШТ-д тэр мөнгөн медалийн болзол хангасан.
БАРИМТ 12
Чөлөөт бөхөөр хичээллэдэг.
Сэтгэгдэл (2)