Хоол зүйч доктор, дэд профессор М.Пүрэвжав хоолны амтлагч талаар зөвлөгөө мэдээлэл өглөө.

Тэрбээр “Амтлагч хэрэглэсэн илүү хурц амттай хоол хүнийг идэх ёстой хэмжээнээс нь илүү их идүүлдэг. Ингэснээр таргалах сөрөг нөлөөтэй. Хүн хэмжээгээ хянахгүй гэдэг нь цадсан ч сэтгэл нь цадахгүй цааш нь идэх гээд байдаг. Кетчуп гэдэг нь чинь ер нь бол амталсан улаан лооль гэсэн үг шүү дээ. Монголчуудын хувьд байгалийн амт гэхээс илүү хурц, хүмүүсийг донтуулдаг амтанд орж байна даа. Амтлагч бүрийг муу гэж хэлж байгаа юм биш. Амтлагч чанартай чанаргүй гэж байна. Жишээлбэл, кетчупний шошгыг нь хар.

Шошгыг нь харахаар эрээлжилсэн олон юм бичээд л янз янзын бодис биччихсэн байвал дандаа донтуулагч бодис агуулсан байдаг. Помидор бага агуулагдсан хэр нь бусад донтуулагч бодис хийгээд дүүргэчихсэн. Цардуул гэх мэт янз бүрийн юм хийчихсэн бүтээгдэхүүн зах зээлд байхыг үгүйсгэхгүй. Тиймээс та бүхэн чанартай зүйл идье гэвэл маш цөөхөн орц тэмдэглэчихсэн зүйл авч хэрэглэх хэрэгтэй. Гэтэл зөндөө олон донтуулагч биччихсэн байвал хэрэглэх үү, байх уу гэдэг сонголт хийх хэрэгтэй. Хэт их амтлагч сүмс амттанд дурлаад байгаа бол шалтгаан нь ихэвчлэн буруу хооллолттой холбоотой байдаг. Буруу хооллож байгаа учраас гашуун хэт исгэлэн, амтлаг, чихэрлэг сүмс амталгааны бүтээгдэхүүнийг хүсээд байдаг.

Тэгээд бүх хоолонд тэрнийгээ хэрэглээд байдаг. Тухайн хүнсний бүтэгдэхүүн шим тэжээлийн найрлагад соод буюу натрийн хлорын давс ямар хэмжээтэй орсон байна. Тэр хэмжээг сайн анхаарах хэрэгтэй, 100 грамм 25 хувиас доош байвал боломжийн орц найрлагатай. Харин 25 хувиас дээш байвал натрийн хлорын давс чихрийн нэмэлт болон бусад химийн нэмэлт өндөр орсон байна гэдгийг анхаарах хэрэгтэй. Жишээлбэл давсыг өдөрт 5граммаас хэтрүүлэхгүй хэрэглэх хэрэгтэй. Элсэн чихрийг бол 16 граммаас хэтрүүлэхгүй хэрэглэх ёстой байдаг.

Тухайн бүтээгдэхүүнд хэдий хэмжээний сахар, хэдий хэмжээний давс орж байгааг анзаарч тухайн өдрийнхөө давсны хэрэглээ, сахрын хэрэглээтэй зохицуулж хэрэглэх боломжтой. Хэрэв тухайн хүн өөрөө байнга идэхийг хүсээд байгаа бол та хооллолтын хэв маягтаа анхаарах шаардлагатай болсон гэсэн үг. Тэгэхээр бид яаж үүнээс салах вэ гэвэл аль болох гэртээ эрүүл аргаар сүмсээ бэлдэж хоолоо хийх хэрэгтэй” гэдгийг онцолсон юм.

Эх сурвалж ЭМЯ