Боловсролын үнэлгээний төвөөс мэдээлэл өглөө. Элсэлтийн шалгалтын агуулга, даалгаврын тухайд "Элсэлтийн шалгалт бол уралдаант шалгалт. Элсэлтийн шалгалтад 6-12 дугаар ангийн агуулга ордог. Тиймээс энгийн, дунд, хүнд түвшний даалгаврууд байх ёстой. Учир нь дандаа хөнгөн даалгавартай байвал бүх хүүхэд өндөр оноо авч, эрэмбэлэх боломжгүй болдог. Хэт хүнд шалгалт байвал мөн л эрэмбэлэх боломжгүй болдог. Шалгалтын материалыг сургалтын агуулга, суралцахуйн зорилтод нийцүүлж хийдэг.

Энэ жилийн тухайд одоогоор агуулга хүндэдсэн, зөрсөн зүйл байхгүй байна. 

Гэхдээ хүндэдсэн, зөрсөн гэж үзэж байгаа шалгуулагчид БҮТ-д хандаад явж байгаа. Түүнчлэн энэ жил математикийн жишиг 1000 бодлогыг нээлттэй байршуулснаараа онцлог байсан. Цаашид нээлттэй даалгаврын сан гэх зүйлийг хэрэгжүүлнэ" гэсэн мэдээллийг өгөв. 

М.Гал