Сахил хүртэхдээ л шал дордож, албан тушаалын сүр бараанд мансууран дайвж, улсынхаа далбаанд мөргөх гэж унаж тусаад босохдоо хачин жигтэй инээж байсан, тэр. Соёлын яамтай болсон ч жинхэнэ бүтээн туурвигчид түүний үр шимээс алс байсаар. Одоо хэнд ч хэрэггүй харагдах боллоо. Ч.Номин энэ салбарыг тэргүүлэх болсноос хойш нэр нь бүр гутсан.

Үнэгүй юманд нугасгүй, ваучер төлөвлөгөө буюу 18.3 тэрбумын дуулиан, төсвийн мөнгөөр авч ирсэн гадаадын контент бүтээгчийн бичлэг дээр гэр бүлийн найзаа шахах урлаг,  төрийн сайд мөртөө ганц асуултад цэх зогсоод хариулж чаддаггүй "хээхэлзүүр", дэргэдэхээ татвар төлөгчдийн мөнгөөр дэлхийд туйлуулсан туршлагатан гэдэг нь үнэн биш үү. 

Эх нь хээр алаг бол хүү нь шийр алаг гэж зүгээр ч нэг үг биш л дээ. Соёлын сайдын аав нь машинаараа хүн хөөж давхисан монголын анхны баян шүү дээ. Айдас гэдэг зүйл тэднээс бүр ч хол биз. Олон сая дагагчтай дэлхийн од ирэхэд ч хүүхдүүдээ тооноор оруулчихдаг мундаг эх хүн дээ.

"Өөдөө тэмүүлэх Монгол" буюу "Go Моngolia" хэмээх Л.Оюун-Эрдэнийн санааг сурталчилсан нь Ч.Номин учир түүнд зарцуулсан төсөв мөнгө, аман дээрээ яамнаас ямар ч дэмжлэг өгөөгүй гэдэг Тамгагүй төр утгаар шалгавал юу гарч ирэхийг хэн мэдлээ дээ.

Тэгэхээр гоё, гоё мөрөөдөл ярьж зүтгэдэг Ч.Номингийн мөнгөний мөр АТГ-ын шалгалтад түлхэц болох вий.

КОНТЕНТООС ӨӨР ЮМ МЭДЭХГҮЙ ШАХУУ КОДЛОГДСОН САЙДЫН ҮЕ ДУУСАЖ БАЙНА

2025 оны төсөв хэд дахин тэлж, үргүй зардлууд нэмэгдэж байгааг иргэд эсэргүүцэж байхад Ч.Номин хээвнэг сууж байсан нь бараг л монгол төрийн түүхэнд үлдэх эмгэнэлт явдал болой.  Бидний амьдран буй нийгэмд яаравчлан шийдэх ёстой олон асуудал байгааг урт нэрт салбарын сайд Ч.Номин даанч эргэцүүлэн бодож байгаагүй л дээ.

Сайдаас буугаад ард түмний төлөө ажиллана гэж байна билээ. Хэн итгэх вэ дээ. 

Сайдаас буугаад ард түмний төлөө ажиллана гэж байна билээ. Түүний хэлсэнчлэн "номхон тэмээг ноолоход амархан", үнэн. Гэвч ноолсон нь Ч.Номин биш үү... "Номхон тэмээ" нь иргэд, соёлын спорт, аялал жуулчлалын салбарынхан байлаа шүү дээ. Монголд сайд, даргатай найз байх сайхныг харуулсан Ч.Номин. “Төсвийн мөнгөөр дотно нэгнийхээ маркетингийг хийчихнэ”. Монголд сайд, дарга байх тийм сайхан гэдгийг таниулсан Ч.Номин. Зүгээр л, юу ч болоогүй юм шиг “Төсвийн мөнгөөр яаж ийгээд танил дотно хүнээ тэжээчихнэ”. 

Монголын төрд шургасан хээхэлзүүр, хээвнэг хүмүүс энэ мэтчилэн эрх мэдлийн суудлаас ховхорсоор байх болтугай.