Боловсролын ерөнхий газар, Тэтгэлэг аппликейшн хамтран 2025 оны 08 дугаар сарын 29-ний өдөр Аж ахуйн нэгжийн орлогын албан татварын тухай хуулийн 22.9 буюу “Албан татварын хөнгөлөлт эдлэх бүтээн байгуулалт, төсөл, үйл ажиллагаа”-ны 22.9.7-д заасан Монгол Улсын Засгийн газраас зарласан тэргүүлэх чиглэлээр гадаадын их, дээд сургууль, дотоодын магадлан итгэмжлэгдсэн их, дээд сургуульд суралцаж байгаа оюутан, мэргэжлийн болон техникийн боловсролын сургалтын байгууллагын суралцагчид олгосон сургалтын төлбөрийн тэтгэлэг олгоход уриалах арга хэмжээг зохион байгуулах талаар Татварын ерөнхий газрын төлөөллүүдтэй уулзалт зохион байгууллаа. 

Уулзалтаар арга хэмжээг зохион байгуулах бэлтгэл ажил, арга хэмжээнд урих ААН-үүдийн жагсаалт гаргаж урилга хүргүүлэх, сургалтын тэтгэлэг олгосон ААН-үүдийн мэдээлэл, тэтгэлгийн хэмжээг гаргах, талархал өгөх болон ТЕГ-аас албан татварын хөнгөлөлт эдлэх хүсэлтэй ААН-үүдэд зөвлөмж, зөвлөгөө өгөх талаар санал солилцлоо гэж Боловсролын Ерөнхий газраас мэдээлэв.