Дэлхий 2012 онд сүйрэхгүй гэдгийг эрдэмтэд баталсаар байгаа ч олон иргэд хорогдох байр, лаа шүдэнзээ бэлдэж байна. Сансрын судалгааг хамгийн өндөр түвшинд явуулдаг НАСА үүнд ямар албан ёсны хариулт өгснийг уншина уу.

- 2012 онд манай дэлхийд заналхийлэх ямар нэгэн аюул бий юу? Интернэтэт маш олон сайтууд дэлхийн төгсгөл 2012 оны 12-р сард ирнэ гэх юм?

- Дэлхий 2012 онд сүйрэхгүй. Манай дэлхий цаашид 4 тэрбумаас ч илүү олон жил оршин байсаар байна. 2012 онтой холбоотой ямар нэг аюул тохиолдохгүй гэдгийг дэлхий даяар эрдэмтэд мэдэж байгаа.

- Ер нь яагаад дэлхийн сүйрэл 2012 онд болно гэдэг таамаг гарч ирэх болов?
- Энэ яриа шумерчууд нээсэн дэлхийг чиглэн ирж буй Нибуру хэмээн гаригтай холбоотой. Эхэндээ энэ сүйрлийг 2003 оны 5 сард гэж зөгнөж байсан боловч тэр өдөр нь юу ч болоогүй тул одоо 2012 онй 12 сар руу шилжүүлж мөн үүнийгээ эртний маяачуудын календарын дуусч буй нэг мөчлөгтэй холбосон байгаа юм. Тэгээд бүр 2012 оны 12-р сарын 21-ний нар буцах өдрийг гэх болсон.

- Тэгэхээр маяачуудын календарь үнэхээр 2012 онд дуусч байгаа юм уу?
- Танай гал тогооны хананд байгаа календар 12-р сарын 31-ний өдрөөр дууч байгаа ч цаг тоолол тэгээд  дуучихдаггүй биз дээ. Яг л үүнтэй адил маяачуудын календар энэхүү 12-р сарын 21-нээр дуусч байгаа юм биш. Зүгээр нэг урт тоолол нь дуусч байгаа юм. 1-р сарын нэгнээс дахиад шинэ календарь аваад хэрэглэдэг шиг маяачууд дараагийн нэг урт тоолол нь эхэлж байгаа юм.

-12-р сарын 23-25-нд дэлхий даяар цахилгаан тасарч харанхуй болно гэж НАСА таамаглал гаргасан гэдэг үнэн үү?
- Огтхон ч үгүй. Ганц НАСА ч биш өөр ямар ч шинжлэх ухааны байгууллага тийм таамаглал гаргаагүй. Ийм ташаа ойлголт нь гаригуудын давхцал болох үед цахилгаан байхгүй болдог гэх буруу ойлголттой холбоотой. Ямар ч  тийм давхцал байхгүй. Энэ цуурхлыг тарааж буй зарим газрууд манай НАСА-гийн зохион байгуулагч Чарльз Болдений онцгой байдлын үед бэлэн байх тухай яриаг иш татсан байна лээ. Энэ бол Америкийн Засгийн газраас зарлаж буй онцгой байдлын үед бэлэн байх өргөн хүрээний кампанит ажлыг дэмжиж хийсэн яриа. Үүнд ямар ч харанхуй болох цахилгаан тасрах тухай дурдаагүй.

- Тэгвэл гаригуудын давхцал манай дэлхийд нөлөөлөх юм биш биз?
- Ойрын хэдэн арван жилдээ ямар ч гаригуудын давхцал болохгүй. Болсон ч энэ нь манай дэлхийд ойрын нөлөөлөл  үзүүлэхгүй. Нэг томохон давхцал 1962 онд болно. Мөн 1982, 2000 онуудад өөр хоёр ч давхцал болсон. Жил бүрийн 12 сар нар, дэлхий хоёр тэнгэрийн заадал галактикийн тодорхой төвд давхцдаг боловч энэ нь ямар ч нөлөөгүй, жилийн жилд болж байдаг үзэгдэл.

- Нибуру, Экс гариг, Эрич гэх мэт ер нь манай дэлхийтэй мөргөлдөж эсвэл их хэмжээний хор хохирол учруулах гариг байдаг уу?
- Нибуру гэх мэт тийм яриа нь зүгээр л санааныхаа зоргоор ярьсан интернэтийн хуурын мэхлэлт. Энэ тал дээр ямар  ч баримттай үндэслэл нотолгоо байхгүй. Хэрвээ үнэхээр Нибуру, Экс ч гариг юм уу байгаад 2012 оны 12 сард дэлхийг мөргөхөар ирсэн бол одон орон судлаачид ядаж сүүлийн арван жил түүнийг ажиглаж байгаа. Тэгээд ч өдийд тэр гаригийг бид тэнгэрт харж байх ёстой. Мэдээж тийм гариг байхгүй. Эрис бол харин жинхэнэ байдаг . Гэхдээ энэ бол Дэлхийн вантай аидл манай нарны системийн гадна талын одой гариганцар бөгөөд дэлхийд хамгийн ихдээ л 4 тэрбум миль ойртож чадна. 

- Дэлхийн туйлууд шилжих тухайд ямар тайлбар хийх вэ? Хэдэн цагийн дотор биш юм аа гэхэд өдрийн дотор ингэж дэлхийн гадаргуу 180 градус эргэх боломж бий юу?
-Дэлхийн туйлууд тэгэж байраа солино гэдэг ямар ч боломжгүй зүйл. Тивүүдийн шилжих хадөлөгөөн байдаг боловч энэ нь маш удаан /хэдэн зуун сая жилийн өмнө Өмнөд туйл эквадорын хавьд байсан/. Гэхдээ энэ нь туйлууд тэгэж солигдох тухай цуурхалтай ямар ч холбоогүй. Гэтэл маш олон худал мэдээлэл юм мэдэхгүй хүмүүсийг хуурч байна. Тэд дэлхийн эргэлт болон соронзон туйл хоёрын хооронд ямар нэг холбоо байдаг мэтээр тайлбарлаж байгаа. Соронзон туйл нь дунджаар 400 мянган жилд нэг удаа байраа сольдог. Ингэж соронзон туйл солигдох нь бидний мэдэхээр дэлхий дээрх амьдралд тэгтлээ их хор хүргэж чадахгүй. Тэгээд ч эрдэмтэд соронзон туйл солигдох явдал ойрын хэдэн мянган жилдээ тохиолдох нь юу л бол гэдгийг хэлнэ.
 
- 2012 онд дэлхий солиртой мөргөдлөх аюул бий юу?
- Дэлхий байнга ямар нэгэнэ солир, сансрын жижиг биеттэй мөргөдлөх нөхцөлд байдаг боловч ийм том хэмжээний мөргөлт маш ховор. Хамгийн сүүлийн том хэмжээний солирын уналт 65 сая жилийн өмнө болж үлэг гүрвэлүүдийг сөнөөсөн шүү дээ. Өнөөдөр НАСА-гийн одон орон судлаачид Сансар огторгуйг хамгаалах судалгаа гээчийг хийж, дэлхийтэй ойр томоохон солир сансрын биет ирж дэлхийг мөргөхөөс өмнө илрүүлэх ажил хийж байна. Динозавруудыг мөхөөсөн шиг тийм том хэмжээний солирын аюул байхгүй гэдгийг бид аль хэдийн тогтоосон. Энэ бүх нээлтүүд манай  NASA Near-Earth Object Program Office website дээр байгаа тул та бүхэн өөрсдөө 2012 онд манай дэлхийд заналхийлсэн солир байхгүй болохыг харж болно.
 
- НАСА-гийн эрдэмтэд 2012 онд дэлхийн төгсгөл ирнэ гэсэн цуурхлыг яаж хүлээж авч байна вэ?
- 2012 онд гай гамшиг болно гэснэ хий хоосон, худал цуурхал тараагчдын шинжлэх ухааны үндэслэл нь хаана байна? Баримт, нотолгоо нь хаана байна. Ямар ч баримт байхгүй. Иймэрхүү зүйлээр өчнөөн ном зохиол бичиж, кино, нэвтрүүлэг хийж, интернэт сүлжээг тэр чигээр нь эзлээд байгаа ч ганц ч баттай нотолгоо байхгүй. Байсан бол бид тийм жинхэнэ зүйлийг өөрчилж чадахгүй шүү дээ. 2012 онй 12 сард ямар нэг гай гамшиг болохыг баталж чадах, хүлээн зөвшөөрмөөр ганц ч баримт, нотолгоотой мэдээлэл алга.

- Тэгвэл 2012 онд асар хүчтэй нарны шуурга болно гэсэн яриаг хэрхэн тайлбарлах вэ?
- Нарны үйл ажиллагаа өөрийн циклтэй байдаг бөгөөд 11 жил тутамд оргилдоо хүрдэг. Яг энэ оргил үеийнх нь нарны гадаргуу дээрх дэлбэрэлт хиймэл дагуулын холбоо харгилцаанд зарим нэг саатал учруулах боломжтой. Гэхдээ инженерүүд нарны шуурганаас хамгаалах тоног төхөөрөмж бүтээх талаар олж мэдэцгээж байгаа шүү дээ. Нарны дараагийн оргил үе нь 2012-2014 оны хооронд тохиох боловч дундаж л нарнй цикл гэж таамаглаж байна. Урьд урьдын циклүүдийн адил, ямар нэг өөрчлөлт байхгүй.