Үндсэн хуулийн цэцийн их суудлын хуралдаан өнөөдөр буюу тавдугаар сарын 27-ны 09.30 цагаас нээлттэй хийхээр товлосон. Тодруулбал: Монгол Улсын Их Хурлаас 2021 оны 01 дүгээр сарын 15-ны өдөр баталсан Монгол Улсын шүүхийн тухай хуулийн 36 дугаар зүйлийн 36.7 дахь хэсэгт “Улсын дээд шүүхийн Ерөнхий шүүгчийг Улсын дээд шүүх санал болгосноос хойш Ерөнхийлөгч 14 хоногийн дотор зургаан жилийн хугацаагаар, зөвхөн нэг удаа томилно.” гэсэн заалтын “… зөвхөн нэг удаа …” гэж заасан нь Монгол Улсын Үндсэн хуулийн цэцийн 2016 оны 12 дугаар сарын 02-ны өдрийн 12 дугаар дүгнэлтээр хүчингүй болсон заалтыг агуулгаар нь дахин сэргээж, Монгол Улсын Үндсэн хуулийн Тавин нэгдүгээр зүйлийн 2 дахь хэсгийг зөрчсөн эсэх маргааныг хянан шийдвэрлэх юм. 

Ардчилсан намын бүлгээс УИХ-аас томилогдох ҮХЦ-ийн хоёр гишүүний асуудлыг нэн яаралтай хэлэлцэн шийдвэрлэх шаардлагыг УИХ-ын дарга С.Бямбацогтод хүргүүлсэн.