Төрийн байгуулалтын байнгын хорооны хуралдаан болж байна. Хуралдаанаар Үндэсний их баяр наадмын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл /УИХ-ын гишүүн П.Сайнзориг нарын 19 гишүүн 2026.05.28-ны өдөр өргөн мэдүүлсэн, хэлэлцэх эсэх/-ийг хэлэлцэж байна. Энэ үеэр УИХ-ын гишүүн П.Сайнзориг гишүүдийн асуултад хариуллаа. 

Тэрбээр "Их Монгол Улс байгуулагдсан, Ардын хувьсгалын ой хоёрыг тохиолдуулж 1024 барилдах уу, 512 барилдах уу гэдгийг шийддэг юм аа. Бусад ойнуудыг бол дурддаг. Түрүү жилээс Ардчилсан хувьсгалын ойгоо бид дурддаг болсон. Таван ойгоос хоёр ойг тусгайлан цохон тэмдэглэж хэдэн бөх барилдах вэ гэдгийг шийдэж байгаа. Таван жил тутам 1024 бөх барилдуулбал бөхийн цолны үнэлэмж буурна гэж зарим бөхчүүд үзэж байгаа. Иймд зарим онцлох үеүдэд төрийн тэргүүн шийддэг байх гарцыг энэ хуулиар нээж өгнө байна" гэв.