АТГ-ын ахлах мөрдөн байцаагч Б.Бат-Олзвой, Сэлэнгэ аймгийн цагдаагийн газрын Эрүүгийн тасгийн дарга П.Өлзийсайхан, эрүүгийн төлөөлөгч, хурандаа Г.Ганболд нар бусдыг хилс хэрэгт гүтгэж, ял шийтгүүлсэн нь тогтоогдсон учраас тэдэнд холбогдох хэргийг Хан-Уул дүүргийн шүүхэд шилжүүлжээ.
    АТГ-ын ахлах мөрдөн байцаагч Б.Бат-Олзвой, Сэлэнгэ аймгийн цагдаагийн газрын Эрүүгийн тасгийн дарга П.Өлзийсайхан, эрүүгийн төлөөлөгч, хурандаа Г.Ганболд нар бусдыг хилс хэрэгт гүтгэж, ял шийтгүүлсэн нь тогтоогдсон учраас тэдэнд холбогдох хэргийг Хан-Уул дүүргийн шүүхэд шилжүүлжээ.

    Тэднийг Эрүүгийн хуулийн тусгай ангийн 249 дүгээр зүйлд заасан “Хүнийг хууль бусаар баривчилсан”, 251 дүгээр зүйлд заасан “Эрүү шүүлт тулгасан”, 253 дугаар зүйлд заасан “Нотлох баримт хуурамчаар бүрдүүлсэн” гэмт хэрэгт буруутгаж, яллах дүгнэлт үйлдсэн байна.

    Учир нь Г.Ганболд өмнө нь бусдад хэрэг хүлээлгэх зорилгоор хууль бус арга хэрэглэсэн үйлдэлдээ шүүхээр ял шийтгүүлсэн, эмэгтэй хүнийг зодож танхайрсан гэх үндэслэлээр эрүүгийн хэрэгт татагдан шалгагдаж байжээ.

    Мөн П.Өлзийсайхан нь таван удаа бусдыг зодож, дарамтлан хэрэг хүлээлгэсэн хэмээн прокурорын дэргэдэх мөрдөн байцаах албанд шалгагдаж шүүхээр ял шийтгүүлж байсан байна.

    Харин АТГ-ын мөрдөн байцаагч Б.Бат-Олзвойн хувьд онцгой байдлын асуудал эрхэлсэн сайд асан С.Отгонбаярт холбогдох хэргийг шалгах явцдаа хууль зөрчиж, албаны давуу байдлаа ашиглан ял шийтгүүлж байжээ.