Монгол кино нэгтгэлийн захирал Ж.Солонгыг кино нэгтгэлийн эзэмшил газрыг барилгын компаниудтай хуйвалдан наймаалцсан, кинонд хэрэглэж байсан эртний үнэт эдлэлийг зарсан, “Түүхийн хүрд” кино мэдээг муу бэлтгэсэн хэмээн “Монгол кино нэгтгэл”-ийн ахмадын хорооныхон буруутгаж Авлигатай тэмцэх газарт шалгуулсан билээ. Тэгвэл АТГ-аас Ж.Солонгын хэргийг шалгаж дууссан байна. Шалгалтаар зохих газраас зөвшөөрөл авч хууль зүйн дагуу ажилласан нь тогтоогдсон тул өнгөрсөн сарын 7-ны өдөр эрүүгийн хэрэг үүсгэхээс татгалзаж шийдвэрлэсэн байна.

Харин Ж.Солонго өөрийнх нь нэр хүндэд халдсан Ахмадын хорооныхон болон зарим хэвлэл мэдээллийнхнийг шүүхэд өгч нэр төрөө сэргээлгэнэ гэлээ.