33 жилийн өмнө Афганистанд сураггүй алга болсон Зөвлөлтийн цэрэг Афганистаны баруун хэсэгт орших Херат дүүрэгт оршин сууж байсан талаар “BBC” онцолжээ.
  

    33 жилийн өмнө Афганистанд сураггүй алга болсон Зөвлөлтийн цэрэг Афганистаны баруун хэсэгт орших Херат дүүрэгт оршин сууж байсан талаар “BBC” онцолжээ.

    РИА агентлагийн мэдээлснээр хуучны цэрэг Шейх Абдулла гэдэг афган нэртэй болсон байна. Зөвлөлтийн Узбек гаралтай ахмад дайчинг 1980 онд байлдаж яваад хүнд шархадсан үед нь нутгийн афганууд олж эмчилжээ.

    ОХУ-ын Ахмад дайчдын холбооны тэргүүн Руслан Аушевын мэдээлснээр Шейх Абдуллагийн жинхэнэ нэрийг Бахретдина Хакимова гэдэг аж. Түүнийг 1980 онд сураггүй болсноос хойш Афганистаны Шинданд аймгаас нэг жилийн гаруйн хугацаанд хайсан байна. Тэрбээр Зөвлөлтийн Улаан армийн винтов буут хэсэгт хүчин зүтгэдэг байсан байна.

Ахмад дайчин Шейх Абдулла афган эхнэр авсан боловч нас барсны улмаас одоог хүртэл үр хүүхэдгүй байгаа аж. Хуучны цэрэг дайнд шархадсаны улмаас гар барьсны дараа татганан хөдөлж байсан хэмээн Шейх Абдуллаг хүндэтгэн уулзсан ОХУ-н Ахмад дайчдын холбооны төлөөлөгч ярьжээ. Тэрбээр орос хэлээрээ ярьсныг ойлгож байгаа ч өөрөө маш муу ярьдаг болсон байна.

Холбооны мэдээлснээр дайны үед Афганистаны нутагт сураггүй болсон 264 цэргийг  одоог хүртэл олоогүй байгаа аж. ОХУ-аар удирдуулсан Кабулын Засгийн газар болон афган иргэдийн хоорондын дайнд Зөвлөлтийн Улаан армийн 15 мянган цэрэг, хэдэн мянган афганууд амиа алдсан байна.

Д.Идэр