“Холбоотой байя!” уриатай 24цаг.мн сайтад саяхнаас “Холбоотой амьдаръя!” гэдэг уриатай болсон UNITEL группын тухай гомдол ирлээ. 8800..00 дугаартай дараа төлбөрт хэрэглэгчийн өнгөрсөн сарын ярианы төлбөр дээр 145 мянган төгрөг илүү бодчихжээ. Огт үзүүлээгүй үйлчилгээнийхээ төлөө нэхсэн мөнгийг нь төлтөл уг дугаарын эзэн гадагшаа дуудлага хийх эрхээ хасуулчихсан яваа юм байна.

   “Холбоотой байя!” уриатай 24цаг.мн сайтад саяхнаас “Холбоотой амьдаръя!” гэдэг уриатай болсон UNITEL группын тухай гомдол ирлээ. 8800..00 дугаартай дараа төлбөрт хэрэглэгчийн өнгөрсөн сарын ярианы төлбөр дээр 145 мянган төгрөг илүү бодчихжээ. Огт үзүүлээгүй үйлчилгээнийхээ төлөө нэхсэн мөнгийг нь төлтөл уг дугаарын эзэн гадагшаа дуудлага хийх эрхээ хасуулчихсан яваа юм байна.

  -Юнител өөрөө хариу өгөхгүй болохоор олон нийтийн мэдээллийн хэрэгсэлд хандахаас аргагүй боллоо. Миний яриагүй ярианы төлбөрийг төлтөл гадагшаа дуудлага хийх эрхийг маань хаачихаад нэг хонож байна. Хэрэглэгчдийн төвийнх нь операторуудад нь 6 удаа утасдаж хэллээ. Нэг юмаа 6 ондоо хүнд яг давтаж гомдоллоо.
 
“Таны гомдлыг шалгаж байна. Удахгүй эргээд хэлье” гэдэг үгийг бүтэн хоногийн турш 6 удаа 6 хүнээс сонслоо. Товчхондоо бол олон улсын ярианы рөүминг гэж 145 мянгыг нэхээд байгаа юм. Гэтэл би тэрийг нь хэрэглээгүй байдаг. Ухаандаа чамайг гудамжинд явж байтал нэг танихгүй нөхөр гүйж ирээд “Манайд идсэн хоолныхоо мөнгийг төлтөл хөл нүцгэн явж бай” гээд гутал тайлж аваад явснаас ямар ялгаа байхав. Юнител надаас “идээгүй хоолны мөнгө” гэж 145 мянгыг нэхээд байна. “Холбоотой амьдаръя!” уриатай болсон газарт холгуулаад баймааргүй байна. Миний сарын ярианы төлбөр 40-70 мянга болдог юм.

  -Би сард нэгээс доошгүй удаа ажлын шаардлагаар гадаад явж таараад байдаг хүн. Өнгөрсөн 2 дугаар сарын 14-нд гадаадад томилолтоор яваад 17-нд ирсэн юм. Мессеж рөүмингээ Юнител рүү хэлж идэвхжүүлээд явсан л даа. Мобикомынх гар утсан дээрх апликэйшнээрээ өөрөө рөүмингээ нээдэг  бол манай Юнител чинь инээдтэй, заавал 1414 рүү утасдаж “Би онгоцондоо суулаа шүү. За, ахын дүү нөгөө рөүминг” гэж хэлдэг, өөдөөс баахан нууц асуултын хариу авч байж идэвхжүүлдэг юм. Тэр ч яахав, хэдхэн мессеж гэр орон, ажил төрөл рүүгээ явулж байтал нөгөө рөүминг маань таг. Буянт-Ухаад 17-нд буугаад гэр рүүгээ залгахад “Таны гарах ярианы эрх хаагдсан байна” гэдэг юм. Би энэ операторын үйлчилгээг анхнаас нь буюу бараг зургаа долоон жил авч байгаа хэрэглэгч нь. Олон ч удаа ингэж хаалгаж байгаа.

  Ярианы төлбөрөө дараа сарын 24-нөөс өмнө хийвэл 3 хувь хөнгөлнө гэж эелдгээр сануулчихаад 17-нд утас хаачихдаг газар л даа. За, тэгээд 18-ны даваа гарагийн 13.50-д салбар дээр нь 1 дүгээр сарын төлбөр 54 443 төгрөгөө тушааж дуудлага хийх эрхээ нээлгэсэн. Тэгтэл ердөө 15 хоногийн дараа надаас 2 дугаар сарын ярианы төлбөр 208 мянган төгрөг нэхэмжлээд гарах яриа хаачихдаг юм. Нэхэмжлэх дээр нь олон улсын рөүминг мессеж 9000 төгрөг, олон улсын рөүминг яриа 145 мянган төгрөг байгаа юм. Тэр 9000 нь минийх мөн байж таарах байх. Харин 145 мянгыг хаанаас юу зүүдлэж нэхээд байгааг л тодруулж өгөхийг хүссэн. Тэдний үгээр бол инженер техникийн ажилтнууд нь “шалгаж байгаа”. Хоног дамжсан шалгалтынх нь үеэр би гадагшаа дуудлага хийх, мессеж илгээх эрхгүй.

  -Өө, бүр саваасан шүү дээ. Хэзээ шалгаж тодруулаад утсыг маань нээж өгөх юм бол гэсэн чинь “Өчигдөр шалгаж байсан инженер чинь өнөөдөр 15.30-аас хойш ээлжиндээ гарна. Хүлээж бай” гэж байгаа юм чинь. Арай л дэндэж байна. Урд нь бас эднийхээс авсан Myphone гээд интернэтэд суурилсан суурин утасны үйлчилгээний дугаарыг маань бүр хаагаад хаячихсан, сэргээлгэе гэхээр боломжгүй гэдэг газар шүү дээ. Хоёр долоо хоногийн дотор хоёр удаа төлбөр нэхэж утас хаадаг газар өөр байна уу? Ийм оператортой “холбоотой амьдар”-мааргүй байна. Уриа нь ч гэж, 24цаг.мн-ийг л хуулчихсан юм байна лээ дээ.