А.Бат-Ялалт нь Налайх дахь “Хаан” банкинд халдаж, захирал Н.Туяагаас мөнгө, нэхэн буу тулгаж сүрдүүлсэн, мөн Н.Туяагийн нөхрийг нь буудаж, банкинд үйлчлүүлж байсан нэг иргэнийг гэмтээсэн. Түүнд холбогдох шүүх хурал Налайх дүүргийн шүүхэд болсон боловч хурлыг энэ сарын 15-нийг хүртэл хойшлуулсан байна. Учир нь шүүгдэгч А.Бат-Ялалтын өмгөөлөгч хурал давхцсан тул өнөөдрийн хурлдаанд оролцоогүй байна.

 А.Бат-Ялалтад өнгөрсөн оны арваннэгдүгээр сарын 20-нд анхан шатны шүүхээс цаазын ял оноосон бөгөөд давж заалдах шатны шүүхээс хэргийг дахин анхан шатны шүүхэд шилжүүлэх шийдвэр гаргасан билээ.