“Хамаг Монгол” тоглолтоо хэдхэн хоногийн өмнө хийсэн гавьяат жүжигчин, дуучин С.Жавхлан гурав дахь хүүхдээ өлгийдөж авах гэж байгаа юм байна. Монгол эмэгтэйн бүхий л шинжийг агуулсан гэх түүний хоёр дахь эхнэр нь “Шуранхай” хамтлагийн гишүүн, уртын дуучин Г.Эрдэнэчимэг  гэдгийг та бүхэн мэдэх биз ээ. Тэд өдгөө Үжингүнж, Өдрийнцолмон нэртэй хоёр охинтой болсон бөгөөд тун удахгүй гурав дахь үрийнхээ зулайг үнэрлэхээр сэтгэл догдлон хүлээж байгаа аж. Г.Эрдэнэчимэг таван сартай жирэмсэн бөгөөд нөхрийнхөө зохион байгуулсан “Хамаг Монгол” тоглолтыг уртын дуугаараа нээсэн юм.