Маргааш Улсын бүртгэлийн ажилтны өдөр тохионо. Уг өдрийг тохиолдуулан Улсын бүртгэлийн ерөнхий газрын дарга Л.Мөнхбаатартай ярилцлаа.
-Маргааш Улсын бүртгэлийн ажлын өдөр тохиох гэж байна. Энэ өдрийг тохиолдуулан ямар ажил хийхээр төлөвлөж байгаа вэ?
-Жил бүрийн арваннэгдүгээр сарын 23-ны өдрийг Засгийн газраас УБЕГ-ын өдөр болгон тэмдэглэж өнгөрүүлэх тогтоолтой. Энэ жилийн хувьд бид улсын бүртгэгчийн ажлыг бусдад таниулахаар төлөвлөж байна. Иргэнээ бүртгэж эрхийг нь баталгаажуулдаг, иргэдийнхээ эд хөрөнгийг баталгаажуулдаг, бизнес эрхэлдэг аж ахуй нэгжүүдийн ажиллах боломж нөхцлийг бүрдүүлж өгдөг энэ ачтай буянтай ажилтныхаа ажлын онцлогийг бусдад таниулна. Мөн “Хүний эрх ба улсын бүртгэл” гэсэн сэдвээр томоохон хэлэлцүүлэг семинарыг хийхээр зохион байгуулж байна.
Маргааш Улсын бүртгэлийн ажилтны өдөр тохионо. Уг өдрийг тохиолдуулан Улсын бүртгэлийн ерөнхий газрын дарга Л.Мөнхбаатартай ярилцлаа.
-Маргааш Улсын бүртгэлийн ажлын өдөр тохиох гэж байна. Энэ өдрийг тохиолдуулан ямар ажил хийхээр төлөвлөж байгаа вэ?
-Жил бүрийн арваннэгдүгээр сарын 23-ны өдрийг Засгийн газраас УБЕГ-ын өдөр болгон тэмдэглэж өнгөрүүлэх тогтоолтой. Энэ жилийн хувьд бид улсын бүртгэгчийн ажлыг бусдад таниулахаар төлөвлөж байна. Иргэнээ бүртгэж эрхийг нь баталгаажуулдаг, иргэдийнхээ эд хөрөнгийг баталгаажуулдаг, бизнес эрхэлдэг аж ахуй нэгжүүдийн ажиллах боломж нөхцлийг бүрдүүлж өгдөг энэ ачтай буянтай ажилтныхаа ажлын онцлогийг бусдад таниулна. Мөн “Хүний эрх ба улсын бүртгэл” гэсэн сэдвээр томоохон хэлэлцүүлэг семинарыг хийхээр зохион байгуулж байна.
-Сүүлийн үед УБЕГ-ын ажилтан хуурамч паспорт хийдэг гэсэн хардлага гарах болсон. Ажилтныхаа хариуцлагыг өндөрсгөх тал дээр танайх хэрхэн ажиллаж байгаа вэ?
-Улсын бүртгэлийн ажилтан гэдэг нь өөрийн хийж байгаа ажлынхаа үнэн мөнийг бүрэн хариуцдаг хариуцлагатай албан тушаалтан. Тиймээс мэдлэг боловсролыг дээшлүүлэх, мэргэшүүлэх, чадавхжуулах ажил маш чухлаар тавигдаж байгаа. Учир нь иргэний эрх зүй ч юм уу? Эд хөрөнгийн ч юм уу? Бусад шинэ шинэ чиглэлээр нийгэмд олон харилцаа үүсч байна. Эдгээр харилцааг зохицуулах чиглэлээр сургаж байна. Түүнчлэн ёсзүйн хариуцлагыг дээшлүүлэх чиглэлээр олон ажлуудыг шат дараалан хийж байгаа. Өнөөдрийн байдлаар Улсын бүртгэлийн газрын ажилтан ноцтой зөрчил гаргалаа гэсэн мэдээлэл өнөөдөр гарахгүй байгаад баяртай байдаг. Энэ нь эргээд бид өндөр ёсзүйтэй ажилладаг гэдгийг нийгэмд харуулж өгч байна.
-Иргэний шинэчилсэн бүртгэл ажил хэдэн хувьтай байгаа вэ?
-Өнөөдрийн байдлаар 98 хувьтай явж байна. Иргэний шинэчилсэн бүртгэл төсөл манай улсад маш амжилттай хэрэгжиж, хүн амынхаа дийлэнх хувийг бүртгэчихсэн. Гэхдээ янз бүрийн шалтгаанаас болоод бүртгэгдээгүй иргэд бас байна. Гадаадад байгаа иргэдээ бүртгэх ажлыг ч маш амжилттайгаар хэрэгжүүлж байна. Одоогоор гадаадын улсад ажиллаж амьдарч байгаа 26000 иргэнийг шинэчилсэн бүртгэлдээ хамруулчихаад байна. Цаашид ч энэ тоо нэмэгдэнэ. Мөн УБЕГ-т өдөр бүр бичиг баримтын зөрчилтэй байсан иргэд ирж, зөрчлөө арилгуулж шинэчилсэн бүртгэлдээ хамрагдаж байна. Тун удахгүй бүх иргэдээ бүртгэж, шинэчилсэн бүртгэлдээ хамруулах төлөвтэй байгаа.
-Шинэчилсэн бүртгэлд тулгуурлаж ухаалаг иргэний үнэмлэхийг гаргах гэж байгаа гэсэн. Энэ ажлыг хэднээс хэдний хооронд зохион явуулах гэж байгаа вэ? Иргэд ухаалаг үнэмлэх гаргаж байна гээд биднийг дахиад баахан чирэгдүүлэх нь гэсэн айдастай байгаа?
-Иргэнээ цахим үнэмлэхжүүлэх ажлыг гурван үе шаттайгаар хэрэгжүүлэхээр төлөвлөөд байгаа. Үүний эхлэл болгож, иргэдийн суурь мэдээллийг цуглуулах ажлыг маш амжилттай хэрэгжүүлсэн. Мөн шинэчлэн бүртгэхдээ дижитал фото зурган архив, биеийн үл давхардах өгөгдөл болох хурууны хээгээр баталгаажуулсан бүртгэлээ хийсэн байгаа. Тиймээс иргэдийг ямар нэгэн оочер чирэгдэл дараалалгүйгээр үнэмлэхжүүлэх ажлыг хийнэ. Төслийг ирэх оны нэгдүгээр сарын 1-нээс тавдугаар сарын хооронд бүрэн хийж дуусгахаар төлөвлөж байна. Учир нь ирэх жилийн сонгуулиар ухаалаг үнэмлэхийг ашиглах болохоор яаравчилж байгаа.
-Иргэдийн зүгээс юу шаардлагатай вэ?
-Иргэдээс бэлдэж, бэлтгэх шаардлага байхгүй.
-Үнэмлэхээ яаж авах вэ?
-Цахим үнэмлэхийг түгээх ажлыг бүх аймаг дүүргийн сум хороонд байгаа бүртгэлийн ажилтнууд хүргэж үйлчилнэ.
-Хэдэн төгрөгөөр авах вэ?
-Үнийн асуудлыг эцсийн байдлаар шийдээгүй байна. Гэхдээ одоо гарч байгаа иргэний үнэмлэхтэй ижил үнэтэй байхаар төлөвлөж байна. Засгийн газарт цахим үнэмлэх үйлдвэрлэх, иргэдэдээ түгээх ажлыг зохион байгуулах зэрэг хэд хэдэн саналыг оруулахаар боловсруулж байгаа. Мөн үнэ төлбөргүй олгох боломж засгийн газарт байгаа эсэхийг судлуулж байна
-Сунгалтын ажлыг яаж хийгдэх вэ?
-Бусад улсад хийдэг жишгийн дагуу 16, 25, 45 насанд нь шинэчилнэ. Энэ насанд хүмүүсийн царай их өөрчлөгддөг тул өөрчлөх шаардлагатай байдаг.
-Иргэний шинэчилсэн бүртгэл эхэлснээс хойш УБЕГ нэлээд ачаалалтай ажиллах болсон. Тэр тусмаа эд хөрөнгийн бүртгэл, хуулийн бүртгэлийн газрууд нэлээд ачаалалтай байна гэж иргэд их гомдоллодог. Энэ их ачааллыг сааруулах үүднээс танай байгууллага яаж ажиллаж байгаа вэ?
-Эд хөрөнгийн бүртгэлийн ажил ямар их байгааг та бүхэн мэдэж байгаа байх. Өдрөөс өдөрт л ачаалал нь нэмэгдэж байна. Иймд бид бүхэн иргэдийн ачааллыг сааруулахаар шинэ байртай болж байгаа. Шинэ байр маань арванхоёрдугаар сарын 25, 26-наас ашиглалтад орох болохоор дээрх бүртгэлийн ажлуудын ачаалал мэдэгдэхүйц буурна байх.
Б.Чимэг
