Интерполоор эрэн сурвалжлагдаж буй Пакистаны гурван иргэн манай улсад орогнож байгаад баригдсан. Тэд Монгол Улсад түр оршин суух визтэйгээр орж ирсэн ба эдгээр иргэдийн хоёр нь олон нийтийг луйвардан мэхэлсэн, бүлэг гэмт хэрэгтэнгүүд ажээ.
Хэрэгтэнгүүдийн хувьд Пакистан улсын Исламабад хотын Интерполын үндэсний
төв товчооноос эрэн сурвалжилж буй Мухаммад Бахш овогтой Мухаммад
Рамзан /1969 онд төрсөн/, АНУ-ын Вашингтон хотын Интерполын төв
товчооноос хүндрүүлсэн хулгайн хэрэгт эрэн сурвалжилж байсан иргэн
Мухаммад Рамзан овогтой Хаяат Хизар /1983 онд төрсөн/ нар юм. Харин
гуравдахь ч этгээд нь Пакистан гаралтай иргэн Рамзан Хафиз Мухаммад
/1966 онд төрсөн/ гэх иргэн билээ. Эх сурвалжийн мэдээлж буйгаар
баривчлагдсан гурван иргэний хоёр нь хүнийг санаатай алах, терроризмтой
холбоотой байж болзошгүй гэнэ. Одоогоор эдгээр сэжигтнүүдийг Шүүхийн шийдвэр гүйцэтгэх ерөнхий газрын харьяа Цагдан хорих 461 дүгээр ангид саатуулж байгаа юм.
ЦЕГ-ын хэвлэл мэдээллийн төвийн дарга Т.Сайнжаргалаас эдгээр хэрэгтнүүдийн талаар
тодруулахад, “Олон улсын хэмжээнд эрэн сурвалжлагдаж байсан Пакистан
улсын харьяат гурван иргэнийг баривчилж, саатуулсан байгаа. Энэхүү
гурван иргэний хоёрынх нь овог, нэр олон улсын хэмжээнд интерполоор эрэн
сурвалжлагдаж байгаа хүмүүсийн мэдээлэлтэй таарч байгаа. Тиймээс энэ
гурван хүнийг Цагдаагийн байгууллага саатуулж, холбогдох мэдээллийг эрэн
сурвалжилж байгаа олон улсын байгууллагуудад явуулсан байгаа. Хэргийн
талаар дэлгэрэнгүй мэдээллийг өгөх боломжгүй” гэсэн юм.
Ямартаа ч цагдаагийн ажилтнууд шуурхай ажиллан гэмт этгээдүүдийг
баривчилсан ч хил гаалийнхны хараа хяналт сул байгааг эл хэрэг илтгэж
байгаа юм.
Эрэн сурвалжлагдаж буй этгээдүүдийг Интерполын хуудсанд нэр ус, зураг хөрөгтэй нь гаргасан байдаг. Бүр царай зүс, биеийн өндөрийг нь тоочсон байгаа юм. Гэтэл манайхан уг этгээдүүдийг хилээрээ сул нэвтрүүлчихжээ.
Харин түүнийгээ түр оршин суух визтэйгээр орж ирсэн хэмээн хээв нэг тайлбарлах ажээ.
Тэр ч байтугай гэмт этгээдүүд манай улсын хилээр хэзээ нэвтэрсэн, хэрхэн баригдсан, хаана орогнож байсан талаар ЦЕГ-аас мэдээлэл өгөөгүй юм. Өөрөөр хэлбэл, долоон жил эрэн сурвалжлагдсан этгээдүүд Монголд өнөөг хүртэл яаж аж төрсөн нь тодорхойгүй байна.
"Тэднийг баривчилсан" гэдэг ганц үгээр бүхнийг таглав. Цагдаагийнхан юутай ч баривчилдаг юм байж. Тэгэхээр тэднийг зуучилсан, хил нэвтрүүлсэн, орогнуулсан, нуун дарагдуулсан нөхдийг хэрхэх бол гэдэг л үлдэв. Энэхүү хэргээс болж иргэдийн дунд манайх хил дамнасан луйварчдын орогнодог газар болчихсон юм биш гэх айдас төрөх болжээ.
Дэлхийд зарлагдсан хулгайчдыг Mонголын хилээр хэн оруулав. Мөн тэд Монголд юу хийхээр төлөвлөж байсан бол? гэдэг асуултыг одоо ч иргэд хүлээсээр байна.
Эрэн сурвалжлагдаж буй этгээдүүдийг Интерполын хуудсанд нэр ус, зураг хөрөгтэй нь гаргасан байдаг. Бүр царай зүс, биеийн өндөрийг нь тоочсон байгаа юм. Гэтэл манайхан уг этгээдүүдийг хилээрээ сул нэвтрүүлчихжээ.
Харин түүнийгээ түр оршин суух визтэйгээр орж ирсэн хэмээн хээв нэг тайлбарлах ажээ.
Тэр ч байтугай гэмт этгээдүүд манай улсын хилээр хэзээ нэвтэрсэн, хэрхэн баригдсан, хаана орогнож байсан талаар ЦЕГ-аас мэдээлэл өгөөгүй юм. Өөрөөр хэлбэл, долоон жил эрэн сурвалжлагдсан этгээдүүд Монголд өнөөг хүртэл яаж аж төрсөн нь тодорхойгүй байна.
"Тэднийг баривчилсан" гэдэг ганц үгээр бүхнийг таглав. Цагдаагийнхан юутай ч баривчилдаг юм байж. Тэгэхээр тэднийг зуучилсан, хил нэвтрүүлсэн, орогнуулсан, нуун дарагдуулсан нөхдийг хэрхэх бол гэдэг л үлдэв. Энэхүү хэргээс болж иргэдийн дунд манайх хил дамнасан луйварчдын орогнодог газар болчихсон юм биш гэх айдас төрөх болжээ.
Дэлхийд зарлагдсан хулгайчдыг Mонголын хилээр хэн оруулав. Мөн тэд Монголд юу хийхээр төлөвлөж байсан бол? гэдэг асуултыг одоо ч иргэд хүлээсээр байна.
24tsag.mn
Сэтгэгдэл (16)