Өнөөдөр 14.00 цагт “Монгол ньюс” мэдээллийн төвд өмгөөлөгч О.Баасанхүү мэдээлэл хийлээ. Тэрээр уг мэдээлэлдээ “Сүүлийн үед Монгол улсад шударга ёс алдагдаж хууль тогтоомж, шударга ёсыг хангах үүрэг бүхий хууль хяналтын байгууллага, түүний удирдлагууд ихээр ялзарчээ. Иймд хуульчид нэгдэж “Шударга ёс” хуульчдийн хөдөлгөөнийг үүсгэн байгуулж энэхүү ялзарсан байдалтай тэмцэнэ. Шударга ёс хуульчдын хөдөлгөөн нь шүүх, хууль хяналтын байгууллагаар хэрэг маргаанаа шийдүүлэх явцдаа эрхээ зөрчүүлсэн улс төрч болон сэтгүүлчдэд туслах үйл ажиллагааг явуулна. Тухайлбал Хуульзүй дотоод хэргийн яамны сайд Ц.Нямдорж улс төрийн зорилгоор зохиомол хэрэг үүсгэн улс төрийн өрсөлдөгчдөө гэмт хэрэгт хутган баривчилж байгаа нь хууль бус бүдүүлэг үйлдэл болсон. Мөн БОАЖЯ-ны сайд Л.Гансүх нь сэтгүүлч Г.Уянга, А.Баатархуяг нарыг гэр бүлээр нь хомроголон ялласан зэрэг ноцтой хэрэг үйлдсэн. Сүүлийн үед Ц.Нямдоржид таалагдсан хүн шударга, үл таалагдвал гэмт хэрэгтэн болж хохирдог явдал ихэсч байна. Тиймээс Ц.Нямдоржоор толгойлуулсан цагдаа, мөрдөн байцаагч, прокурор, шүүхийн ажилтнууд сүрдүүлэгч хэлмэгдүүлэгч болж хувирч байгаатай бид хатуу тэмцэх болно” гэлээ.

Б.Чимэг