Европын зарим оронд эдийн засгийн хямрал бодитой нүүрлэж байгаа, мөн ирэх оны төсөв уул уурхайтай нягт холбоотой батлагдаж байгаа тул Монголд эдийн засгийн хямрал болох нь хэмээн иргэд түгшиж байна. Харин “Монголбанк”-ны зүгээс шаардлагатай арга хэмжээг авч байгаа тул сандрах хэрэггүй гэж өнөөдөр мэдэгдлээ. “Хас” зэрэг зарим банкууд зээлээ багасгаж байгаа нь зөвхөн чанартай зээлээ нэмэгдүүлж, нөхцлийг нь сайжруулж байгаатай холбоотой гэлээ. Тэгээд ч өнгөрсөн сараас банкуудын төлбөр гүйцэтгэх чадвар /банкны өөрийн дансанд байрлах мөнгөний хэмжээ/-г 18 хувь болгосон нь үүнд бас нөлөөлж байгаа аж. Санхүүгийн зах зээлийн 90 хувийг эзэлдэг банкуудын ашигт ажиллагаа сайжирсаар байгаа бөгөөд банкуудын нийт өөрийн хөрөнгийн хэмжээ өмнөх сараас 830,2 тэр бум төгрөгөөр буюу 1,2 хувиар өссөн байна.
Ойрын хэдэн сар Хятадад инфляц аажмаар өсч байгаа нь Монголд хэрхэн нөлөөлөх талаар асуухад “Монголбанк”-ны ерөнхийлөгчийн зөвлөх Д.Дэлгэрсайхан “Хятад үйлдвэрлэлээ бууруулж байгаа нь төрөөс явуулж байгаа бодлого. Хурдацтай хөгжиж байгаа эдийн засгаа бодит өсөлт биш гэдэг үүднээс зарим талаар сааруулж байгаа хэрэг юм. Дэлхийн эдийн засаг хямрах гэж байгаатай холбоогүй. Жилийн өмнө гаргасан шийдвэр нь өнөөдөр амьдралд биелэлээ олж байгаа нь энэ. Монголд шууд нөлөөлөхгүй байх” гэлээ.
Мөн “Зууны мэдээ” сонины өчигдрийн дугаарт тус банкны ОНХХ-ийн захирал Б.Лхагважавын ярилцлага “Зэсийн үнэ унавал 20 дугаар тогтоол давтагдахгүй гэх газаргүй” гэсэн гарчигтайгаар нийтлэгдсэн нь олон нийтэд ташаа ойлголт төрүүлэхээр байна” гэв. Уг ярилцлагад ирэх онд инфляц өсөх эрсдэл бага байгаа гэснийг 20 дугаар тогтоол /2008, 2009 оны үед банкууд зээл гаргахыг зогсоох тухай/ давтагдах гэж байна гэх мэтээр гуйвуулсан гэж Д.Дэлгэрсайхан мэдэгдсэн юм.
2012 оны төсөв нэлээд тэлэлттэй, инфляц өсөх магадлалтай байгаа ч “Монголбанк”-ны зүгээс 11, 12 хувьд барихаар төлөвлөж байгаа аж. Зэсийн үнэ харьцангуй тогтвортой, бодит үнээр арилжаалагдаж байгаа. Харин нефтийн үнэ өсөх нь иргэдийн амьдралд сөргөөр нөлөөлөх магадлалтай гэж албаны хүмүүс хэллээ.
Б.Баяр
Ойрын хэдэн сар Хятадад инфляц аажмаар өсч байгаа нь Монголд хэрхэн нөлөөлөх талаар асуухад “Монголбанк”-ны ерөнхийлөгчийн зөвлөх Д.Дэлгэрсайхан “Хятад үйлдвэрлэлээ бууруулж байгаа нь төрөөс явуулж байгаа бодлого. Хурдацтай хөгжиж байгаа эдийн засгаа бодит өсөлт биш гэдэг үүднээс зарим талаар сааруулж байгаа хэрэг юм. Дэлхийн эдийн засаг хямрах гэж байгаатай холбоогүй. Жилийн өмнө гаргасан шийдвэр нь өнөөдөр амьдралд биелэлээ олж байгаа нь энэ. Монголд шууд нөлөөлөхгүй байх” гэлээ.
Мөн “Зууны мэдээ” сонины өчигдрийн дугаарт тус банкны ОНХХ-ийн захирал Б.Лхагважавын ярилцлага “Зэсийн үнэ унавал 20 дугаар тогтоол давтагдахгүй гэх газаргүй” гэсэн гарчигтайгаар нийтлэгдсэн нь олон нийтэд ташаа ойлголт төрүүлэхээр байна” гэв. Уг ярилцлагад ирэх онд инфляц өсөх эрсдэл бага байгаа гэснийг 20 дугаар тогтоол /2008, 2009 оны үед банкууд зээл гаргахыг зогсоох тухай/ давтагдах гэж байна гэх мэтээр гуйвуулсан гэж Д.Дэлгэрсайхан мэдэгдсэн юм.
2012 оны төсөв нэлээд тэлэлттэй, инфляц өсөх магадлалтай байгаа ч “Монголбанк”-ны зүгээс 11, 12 хувьд барихаар төлөвлөж байгаа аж. Зэсийн үнэ харьцангуй тогтвортой, бодит үнээр арилжаалагдаж байгаа. Харин нефтийн үнэ өсөх нь иргэдийн амьдралд сөргөөр нөлөөлөх магадлалтай гэж албаны хүмүүс хэллээ.
Б.Баяр
