Дундговь аймгийн иргэдийн хурал буюу парламентын гишүүд нь “Мон-Уран” компанийн захирал  Б.Наранхүүгээс 125 сая төгрөг авсаныг ИТХ-ын дарга нь өөрөө зарлав.  Аймгийн ИТХ-ын дарга Ц.Мөнгөнцоожийн өнөөдөр хэвлэлд өгсөн ярилцлагадаа хэлсэнийг үзвэл ИТХ санхүүгийн туслалцаа үзүүлэхийг хүсч аймгийнхаа нутгийн зөвлөлийн дарга Б.Наранхүүд албан ёсоор хандсан гэнэ. ИТХ-ын төлөөлөгчид иргэд сонгогчдын саналыг сонсох, тэдэнд санхүүгийн талаар туслах, эмчилгээнд явах, орон гэргүй хүмүүст гэр олгох гэх зэрэгт хөрөнгө мөнгө дутагддаг тул ийн хандсан гэж засаг дарга тайлбарлсан байна. Ингээд Б.Наранхүү хүсэлтийг нь хүлээн авч иргэдийн төлөөлөгчидтэй тус бүртэй нь гэрээ байгуулан хүн нэг бүрт таван сая төгрөг өгсөнийг Ц.Мөнгөнцоож өөрөө нотолжээ. Түүний хэлж буйгаар ийнхүү тусалсанд нь Б.Наранхүүд аймгийн засаг дарга Чандмань болон Ц.Мөнгөнцоож өөрөө ихээхэн талархаж байгаа аж. Мөн тав таван саяыг олгохдоо төлөөлөгчдийг аль намаас сонгогдсоныг нь харгалзан ялгалгүйгээр өгсөнийг засаг дарга онцлон тэмдэглэсэн байна. Дундговь аймгийн ИТХ 25 гишүүнтэйн 18 нь МАН, тав нь АН, хоёр нь бие даагч аж. Ингээд бүх гишүүдэд өгсөн мөнгөний дүн нийлээд 125 сая төгрөг болжээ. Аймгийн ИТХ-ын төлөөлөгчдөд ийм хэмжээний дэмжлэг үзүүлэх хөрөнгө улсын төсөвт байхгүй хэмээн  Ц.Мөнгөнцоож онцлон шогшроод төлөөлөгчид даргаасаа авахуулаад бүгд туйлын баяртай байгааг ярилцлагадаа дахин дахин тэмдэглэн хэлсэн байна.