Энэ тухай www.muaythai.uz сайтад мэдээлж
Ирэх сарын 10-нд Узбекистан улсын Ташкент хотноо мэргэжлийн мутай боксын хагас дунд жингийн (63,5кг) дэлхийн аваргын төлөөх халз тулааны тэмцээн болно. Уг тулаан нь манай улсын тамирчин Ч.Шижир-эрдэнэ, Убекистан улсын тамирчин Санжар Хушиназаров нарын хооронд болох гэж байна.
Энэ тухай www.muaythai.uz сайтад мэдээлжээ.
“Мишээл” группын тамирчин Ч.Шижир-Эрдэнэ нь 2008 оноос О.Алтанпүрэвийн удирдлага дор кикбокс болон мутай боксоор хичээллэж, 2010 онд Австри улсын Инсбрук хотноо зохиогдсон дэлхийн цомын тэмцээнээс алт, 2011 оны 3-р сард Бангкок хотноо зохиогдсон дэлхийн мутай боксын аварга шалгаруулах тэмцээнээс мөнгөн медаль хүртсэн тамирчин юм. Тэрбээр Тайланд, Хонгконг, БНХАУ-ын мэргэжлийн мутай боксын рингэнд амжилттай тулалдаж нийт 18-н удаа тулалдсанаас 14 удаа өрсөлдөгчөө ялж дөрвөн удаа ялагдаж байжээ. Мөн зургаан удаа өрсөлдөгчөө КО-гоор ялж байсан байна.
Узбекистан улсын тамирчин Санжар нь 1988 онд төрсөн 2010 оны дэлхийн аварга тамирчин бөгөөд мэргэжлийн рингэнд 25-н удаа өрсөлдөж 23 удаа ялалт байгуулаад байгаа юм байна.
Энэхүү тулаан нь дэлхийн мутай боксын (WMF) холбооноос зохион байгуулж байгаа албан ёсны тэмцээн юм.
Т.Хулан
