СХД-ийн 20-р хороонд  "Тэнүүн буянт” ХХК-нд засварчин ажилтай 27 настай эрэгтэй Б гэгч нь тус компанийн автобус баазын хашааны үүдэнд “DAEWOO” маркын автобусанд хавчигдаж нас барсан хэргийг СХД-ийн цагдаагийн нэгдүгээр хэлтэс  шалгаж байна.  Мөн Замын цагдаагийн газрын зүүн талын "МTD” констракшны барьж байгаа барилгын подволд Сэлэнгэ аймгийн Гуравдугаар баг Баяндалай суманд оршин суух 36 настай эрэгтэй Ш нь нуруундаа хутгалуулсан байдалтай нас барсан байжээ. Хэргийн сэжигтнийг олж тогтоосон бөгөөд шалгалтын ажиллагаа үргэлжилж байна. Түүнчлэн Баянзүрх дүүргийн 5-р хороо “Өндөр буянт” компанийн баригдаж байгаа барилгаас хятад улсын иргэн 45 настай эрэгтэй Ю Ч гэгч нь 14 давхараас унаж нас барсан байна.
 
Эра” төвийн багш Д.Солонго Зайсангийн ойролцоо Дамбын Хишгээгийн хүүд зодуулж, хүнд бэртсэн билээ. Түүний нүүрний зөөлөн эдүүд бяцарч, эрүү нь хугарсан мөн биеийн бусад хэсгүүд гэмтсэн учраас "Сонгдо" эмнэлэгт хэвтэн эмчлүүлж байгаа юм.

Д.Солонго Х.Энхжинд хандан “Аавынхаа нөмөр нөөлөгт юу ч хийж чадахгүй” гэж хэлснийхээ хариуд зодуулсан гэж эх сурвалжууд хэлж байгаа. Тэгвэл тус хэргийг Хан-Уул дүүргийн цагдаагийн газарт шалгаж дуусаад прокурорт шилжүүлсэн байна.

Зүү залгисан байлдагч П.Хэнмэдэхийг Увс аймгийн цагдаагийн газраас мөрдөн байцаалтад ирүүлэх хүсэлтийг ХХЕГ-ын удирдлагуудад тавиад байсан. Тэгвэл энэ долоо хоногт түүнийг Хилийн цэргийн 0164 дүгээр ангиас цэргийн албанаас зайлсхийх зорилгоор өөрийн биед гэмтэл учруулсан гэх үндэслэлээр Увс аймгийн Цагдаагийн газрын ажилтнууд авч явлаа. Тэрбээр хотод ирж эмчилгээ хийлгэснийхээ дараа тус ангид шилжсэн бөгөөд энэ хугацаандаа дахин зүү залгисан гэх мэдээлэл ч байгаа юм.

СБД-ийн 11-р хороонд  Хөвсгөл аймгийн Жаргалант сумын харьяат 10 настай эрэгтэй А гэгч нь  Сонсголын бэрхшээлтэй хүүхдийн тусгай сургуулийн дотуур байрны 2 давхарын салхивчаар унаж дүүргийн яаралтай тусламжийн тасагт эмчлэгдэж байгаад нас барсан хэрэг гарсан.  Хэргийг Сүхбаатар дүүргийн цагдаагийн хоёрдугаа хэлтэс шалгаж байна.

Н.Номтойбаярын хүн хутгалсан хэрэгт холбогдуулж цөөнгүй хүн шалгаж байна. Тэр дундаа “Мунзуй” хочит Г.Нямдоржид эрүүгийн хэрэг үүсгэсэн гэх болсон. Гэвч түүний Н.Номтойбаярын гомдлын дагуу шалгаж байгаа ч эрүүгийн хэрэг үүсгээгүй гэдгий цагдаагийн байгууллагаас мдээлсэн. Одоогоор Н.Номтойбаярт гомдол гаргасан иргэн Б-гийн бие сайжирсан байгаа аж.  Мөн Н.Номтойбаяр ч цагдаагийн байгууллагад очиж мэдүүлгээ өгч байгаа юм байна.

Улсын дээд шүүхийн Хяналтын шатны хуралдаанаар МАН-ын Мэдээллийн технологийн хэлтсийн дарга Б.Цогтгэрэлд холбогдох хэргийг хянан шийдвэрлэсэн. Дээд шүүхээс түүнд анхан болон давж заалдах шатны шүүхээс түүнд оногдуулсан хөдөлмөрийн хөлсний доод хэмжээг 150 дахин нэмэгдүүлсэнтэй тэнцэх хэмжээний төгрөгөөр торгосон ялыг өөрчилж, хөдөлмөрийн хөлсний доод хэмжээг 75 дахин нэмэгдүүлсэнтэй тэнцэх хэмжээний төгрөгөөр /14 сая орчим/ торгохоор шийдвэрлэсэн юм.

Мэдээллийн технологийн хэлтсийн дарга Б.Цогтгэрэлийг өнгөрөгч оны арваннэгдүгээр сард болсон орон нутгийн сонгуулийн үеэр Орхон аймагт нэр дэвшсэн н.Улаанхүүг хүний аминд хүрсэн хэмээн хэвлэл, мэдээллийн хэрэгслээр зарлаж, бусдыг онц хүнд гэмт хэрэгт гүтгэсэн хэрэгт буруутган сэжигтнээр татсан.

БЗД-ийн 12-р хороонд ”Батширээт” ХХК-ний баригдаж байгаа барилга дээр Хэнтий аймгийн Батширээт сумын харьяат иргэн 25 настай эрэгтэй А, мөн сумын харьяат иргэн 23 настай эрэгтэй О нар угсардаг төмөр шат зөөж байгаад өндөр хүчдэлийн шугаманд хүрч тогонд цохиулж нас барсан байна. Хэргийг одоогоор БЗД-ийн цагдаагийн нэгдүгээр хэлтэс шалгаж байгаа юм. Эх сурвалжийн мэдээлж буйгаар тухайн компани өндөр хүчдэлийн хулгайн тог хэрэглэж байгаад ажилчид нь ийн амиа алдахад хүрсэн байж магадгүй юм.

Татварыг байцаагч бүсгүйг 75 хутгалж хөнөөсөн Ц.Туяад 22 жилийн ял оноолоо
атварын байцаагч бүсгүйн амийг онц хэрцгийгээр хөнөөсөн Ц.Туяад холбогдох хэргийн шүүх хурал өчигдөр ШШГЕГ-ын харьяа Цагдан хорих 461 дүгээр ангид болж өндөрлөлөө. Шүүх хуралд хоёр бүсгүй шороонд, шоронд хатхад нөлөөлсөн Д.Батболд гэгч ирээгүй юм.
Ингээд шүүх бүрэлдэх орой 17.30 цагийн үед шүүх хурлын шийдвэрлэсэн тогтоолыг уншсан юм.  Ц.Туяад Эрүүгийн хуулийн тусгай ангийн 91.2.3, 91.2.12-тзаасны дагуу өс хонзонгийн сэдлээр, хүний амь насыг онц хэрцгийгээр хөнөөсөн гэх үндэслэлээр яллах дүгнэлт үйлдэж эмэгтэйчүүдийн чанга дэглэмтэй хорих ангид 22 жил хорих ял ногдууллаа.