Гадны хэвлэл мэдээллийн хэрэгслүүд Монголчуудын талаар янз бүрээр бичиж, нийтэлдэг. Монголчуудын аж амьдралыг бүрэн гүйцэт гаргахаасаа илүүтэй, хөдөө нутгаар аялсан тэмдэглэлээ бичиж, мэдээлэх нь цөөнгүй. Яг тийм төсөөллөөр дэлхий нийт биднийг дүгнэдэг. Тэгвэл бидний ахуй, амьдрал соёл, амьдралын хэв маягийг гадныхан хэрхэн дүгнэдэг юм бол... Энэ талаар гадаадын жуулчид, сэтгүүлч, нийтлэлчид хэрхэн бичиж, нийтэлсэн талаар сонирхолтой баримт дэлгэе.

1. Монголд гудамжинд хоёр машин мөргөлдөж осол гаргахад цагдаа дуудахаасаа илүүтэй хоёр хүн хоорондоо гар барилцаад салах нь олон. Энэ нь хүмүүс нэгнийхээ хөл дээр гишгэчихээд гар бариад өнгөрдөгтэй адил юм.

2. Монголд такси барих нь хамгийн сонирхолтой. Гудамжаар явж байгаа ихэнх машин такси болчихдог.

3. Өргөн уудам  нутагтай, харилцаа холбоо тийм ч сайн биш учраас, эмнэлэгийн тусламж үйлчилгээ авах нь хэцүү. Хөдөө нутгаар аялахад давстай сүүтэй цай барьж, хоол хүнсээ хуваалцах нь эелдэг. Заримдаа монголчуудын найрсаг хандлагаас ичих тохиолдол ч гардаг. Тэд танд зориулж, бяцхан бэлэг өгөх тохиолдол ч гардаг шүү.

4.   Монголд жилийн 200 хоногт нар манддаг.

5.  Монгол хүмүүс моринд бусад орныхтой адил нэр өгдөггүй. Тэд морийг өнгө, зүсээр нь нэрлэж, дууддаг.

6. Монголын говь бол дэлхийд тавдугаарт, Азидаа нэгдүгээрт орох хамгийн том цөл нутаг.

7. Наадмаар маш олон бөх барилддаг. Энэ нь дэлхийн хамгийн олон бөх оролцдог арга хэмжээ юм.

8. Барилдах бөхчүүдийг жингээр нь ангилдаггүй.

9. Нийслэл Улаанбаатар хотын гудамжаар өвөлд хайрцганд хийсэн мөхөөлдөс зарж байдаг. Гадаа -30 градус хүйтэн учраас ямар ч хөргөгч хэрэггүй.

10. Монголын хөрөнгийн зах зээл дэлхий дээр хамгийн бага орон зайг эзэлдэг.

11. Монголын замаар явахад хамгийн их донсолдог.