БОНХЯ нь 2013 оноос хойш ахуйн зориулалтаар нэг ч ан амьтан агнах тоо хэмжээ тогтоогоогүй гэдгээ “хатуухан” мэдэгдэв. Тэгэхээр одоо ан хийж буй иргэд бүгд хууль бус  зүйл хийж байгаа хэрэг юм.

Мөн фэйсбүүк, твиттер дээрээ ангийн гэрэл зураг тавьсан хүмүүс хууль бус  агнуур хийсэн гэдэг нь батлагдвал Эрүүгийн хуулиар шалгагдаж таван жилийн ял ч авч магадгүй болоод байна .

Түүнчлэн,  төв суурин газраас том жийп машин, автомат буугаар зэвсэглэсэн хүмүүс зүүн аймгуудаар чоно агнах явцдаа бусад ан амьтдыг тэр чигээр нь айлгаж, үргээх үзэгдэл их гардаг. Тийм учраас өнгөрсөн сарын 1-нд цуцлагдсан саарал чоно агнах хоригийг дахин сунгана гэдгийг БОНХЯ-ны дэд сайд Б.Тулга хэлсэн юм.

Улмаар зарим этгээдийг шалгах, арга хэмжээ авах ажлууд эрчимтэй хийгдэж эхэллээ. Тодруулбал, амьтадыг хоморголон устгаж, үүгээрээ сайрхаж цахим ертөнцөд шуугиан тарьдаг хэсэг этгээдгийг Улсын мөрдөн байцаах газар шалгаж байгаа аж. Одоогоор цахим мэдээллийн хэрэгслээр тарсан дөрвөн зургийг шалгаж, гурвыг нь эрүүгийн хэрэг үүсгэхээс татгалзаж, торгуулийн арга хэмжээ авах саналтайгаар прокурорт шилжүүлсэн талаар бид мэдээлсэн. Харин нэгийг нь харьяаллын дагуу Дорнод аймгийн цагдаагийн газарт шилжүүлжээ.Тухайлбал,  УИХ-ын гишүүн Н.Номтойбаярын Сэлэнгэ аймагт баавгай агнасан, УИХ-ын гишүүн Ж.Энхбаярын  Төрийн тусгай хамгаалалттай Бурхан Халдун ууланд нисдэг тэрэгтэй очиж хууль бус ан хийсэн хэрэг, Улсын заан Б.Соронзонболдын агнасан зэрлэг гахайгаа үүрч  авахуулсан зурагны хэргүүдийг ч шалгаж эхэлсэн байна. 

Дээрх ан амьтдыг агнасан этгээдүүд  ямар амьтан алсанаасаа шалтгаалж торгуулийн хэмжээг өөр өөрөөр төлөх юм.  Тэгвэл цахим ертөнцөөр агнасан амьтнаараа сайрхсан бүх хүмүүсийг доорх торгуулиа төлөхийг шаардаж эхэллээ.

Саарал чоно: 1.200000-1.020000

Хүрэн баавгай: 15.000000-13.000000

Зэрлэг гахай: 1.400000-1.600000

Цагаан зээр: 1.100000-1.000000

Нэг толгой тарвага: 360.000-400.000 хууль бусаар агнаж гэрэл зургаа олон нийтэд цацсан бол ийм хэмжээний нөхөн төлбөр төлнө.

Ингээд манай УИХ-ын гишүүдээс эхлээд олны танил дуучин, жүжигчид ан агнаснаараа  хэдэн төгрөгний торгууль төлөхийг  сонирхуулья.
Их аварга Д.Дагвадорж, Женко Баттулгын хүүгийн хамт зэрлэг чоно агнасан зураг. Тэгвэл Д.Дагвадорж энэ зургийг олонд дэлгэснээр 1.200000-1.020000 мянган төгрөгний торгуульд унажээ.
УИХ-ын гишүүн Н.Номтойбаяр Сэлэнгэ аймгийн Хүдэр сумаас баавгай агнасан зураг нь. Түүнийг энэ нутгаас олон тооны амьтан агнасан хэмээн нутгийн иргэд ярьдаг. Н.Номтойбаяр баавгай агнасны төлбөрт  15.000000-13.000000 сая төгрөг төлөх нь.
“Тэнгэр санхүүгийн нэгдэл”-ийн захирал,  Сангийн дэд сайд асан Ч.Ганхуяг олон загас агнажээ. Гэвч түүнд хэдэн  төгрөгний торгууль оногдуулахыг тодорхой заагаагүй байна. Загас агнахад ер нь торгууль ногдуулахыг болов уу?. Хэрэв торгож эхлэвэл нэлээн олон хүмүүс төлбөрт унах нь ойлгомжтой.
Монгол улсыг Азийн бар биш арслан болно гэж итгэдэг жүжигчин Б.Амарсайхан кинонд тоглохын хажуугаар ан ав хийхээс буцдаггүй. Түүний фэйсбүүк хуудсаар зочилбол ууланд яваа олон зурагтай таарна. Чоно, зэрлэг гайхай агнаж байсан энэ эр чамгүй хэдэн төгрөгөөр торгуулах нь ээ.
 Амбийгийн овоо хараанд орсон чоно "бултаж" чаддагүй гэдэг яриа хүртэл байдаг.  Чоно агнасан амбийг 1 сая 200 мянган төгрөгөө төлөхийг иргэд шаардаж байна. Мөн Амбийтай хамт Хил хамгаалах газрын нэгэн албан хаагчийг шалгаж эхэлсэн талаар шум тархаж эхэллээ.
Заан маань зэрлэг гахай агнажээ. Цаана нь нисдэг тэрэг байхыг харахад ан агнахын тулд хөрөнгө мөнгө харамладаггүй бололтой. Тэгвэл агнасан ангийнхаа төлбөрийг өгөх л болж дээ.
УИХ-ын гишүүн Ж.Энхбаяр, Ц.Дашдорж нар 50 сая төгрөгийн төсөвтэй чоно агнах уралдаан зарласнаас болж  273 чоно хоморголон устгасаныг та бүхэн санаж байгаа биз ээ. Тэгвэл хоёр гишүүн айхтар их мөнгө төлөх нь. Удахгүй хуулийн байгууллага шалгаж, зохих шийтгэлийг оноох биз ээ.
МУГЖ С.Батсүхийн тарваганы боодог идэх гэж байгаа зургийг “хэрэгт” татан шалгаж байгаа бөгөөд түүнд ч торгуулийн арга хэмжээ авах бололтой.