11.00 цагт Монголын эстрадын урлагийн анхны дуучдын нэг, Соёлын тэргүүний ажилтан, “Баян Монгол” чуулгын дуучин Л.Оюунчимэг агсны “Цэцэгт нугын эрвээхэй” цомгийн нээлтэд зориулсан хэвлэлийн хуралд урья.

11.30 цагт Архангай аймгийн ЕБС-ийн багш, ажилчид хууль бусаар ажлаас халагдах болон дарамт шахалтад өртөх болсон талаараа мэдээлэл хийнэ.

12.30 цагт БШУ-ны яамны газрын албаны даргын хариуцлагагүй үйлдэл,бүрэн дунд боловсролд уран зохиолын хичээлийн талаар салбарын яамнаас барьж буй бодлого стратегийн талаар Монголын нэр бүхий зохиолч, яруу найрагчид,утга зохиолын судлал шүүмжийнхэн, багш нар нэгдэн хэвлэлийн бага хурал зарлалаа.

"Зууны мэдээ" сонины мэдээллийн төвд

11:10 цагт Баян монгол чуулгын Л.Оюунчимэгийн "Цэцэгт нугын эрвээхэй" цомгийн нээлт болох талаар хэвлэлийн бага хурал зарлав.

12:30 цагт "Арвин шар зам" хоршооноос тээвэрчид өлсгөлөнгөө зогсоосон талаар мэдээлэл хийнэ.

11.40 цагт  Монгол цэргийн музей дээр "Хобби" цэргийн алба хаагчдын цуглуулгын үзэсгэлэн нээлтээ хийнэ. Энэ удаа ховор нандин, сонин содон цуглуулга бүхий 12 цэргийн алба хаагчийн цуглуулгыг дэлгэн үзүүлэх ажээ. 100 гаруй онгоцны цуглуулгаас гадна машин, заан, цаг аяга гээд төрөл бүрийн онц сонирхолтой үзмэрүүдийг хүрэлцэн очиж сонирхоорой.

НҮБ-ын байранд (Герман Элчингийн баруун талд, Сүхбаатар дүүргийн хойно) Соёл, спорт, аялал жуулчлалын яам, НҮБ-ын Хөгжлийн хөтөлбөр "Соёл хөгжлийн нэг хүчин зүйл болох нь" сэдэвт хөгжлийн хэлэлцүүлгийг хамтран зохион байгуулж байна. Хэлэлцүүлэг 09,00 цагаас 12,00 цаг хүртэл үргэлжилнэ.

10. 00 цагт Улаанбаатар уран баримал уулзалт хэлэлцүүлгийг Нийслэлийн Засаг захиргааны 5-р байрны Иргэний танхимд зохион байгуулна. Хэлэлцүүлэгт Улаанбаатар хотын захирагчийн ажлын алба, Нийслэлийн ерөнхий төлөвлөгөөний газар, Соёлын газар, дүүргүүдийн Засаг даргын тамгын газар, гэрлэн чимэглэлийг ашиглагч байгуулагууд оролцоно.