Төрийн албан хаагчдын хууль бус томилгоо, хамаатан садан, анд нөхдийн холбоо хэрээс хэтэрч байгааг ард иргэд шүүмжилсээр байгаа. Гадаад харилцааны яам, Гааль, Татварын ерөнхий газар гээд бүгд л хамаатан садны холбоо сүлбээгээ бэхжүүлсэн байдалтай, үйл ажиллагаагаа явуулсаар...

Тэгвэл эдгээр төрийн байгууллага дээр ССАЖЯ нэмэгдлээ. Тодруулбал, Төрийн албыг төрлийн алба болгож буй хүн бол Соёл, спорт аялал жуулчлалын яамны Төрийн нарийн бичгийн дарга П.Алтангэрэл аж.
 Өөрөөр хэлбэл тус яам түүний хүмүүсээр дүүрсэн гэнэ.

1. Санхүү, хөрөнгө оруулалтын хэлтсийн дарга асан Р.Хаяндоржийг хууль зөрчиж энэ албанд томилсон.  Өдгөө  тэрбээр ажлаасаа чөлөөлөгдчихөөд байгаа аж.

2.Стратеги бодлого төлөвлөлтийн газрын дарга П.Алтан-Од бол П.Алтангэрэлийн  дотны найз, журмын нөхрийнх нь хүү.

3.ССАЖЯ-ны Ерөнхий нягтлан бодогч Р.Алтантуяа нь Дорнод аймагт П.Алтангэрэлийн хамт ажиллаж байгаад 2012 онд Улаанбаатарт ирж, тус яаманд ажиллах болжээ.

4. Төрийн захиргаа, удирдлагын газрын дарга Н.Энхтүвшин Өвөрхангай аймгийн уугуул, тэрбээр ангийн андын татаасаар энэ албанд томилогджээ. Тэд дунд сургуульдаа нэг ангид суралцаж байсан найзууд.

5.Хүний нөөцийн ахлах мэргэжилтэн Н.Оюундэлгэр Ерөнхий нягтлан бодогч Р.Алтантуяагийн эгчийнх нь хүүхэд бөгөөд П.Алтангэрэлтэй салшгүй холбоотой аж.

6.ССАЖЯ-ын Аялал жуулчлалын бодлогын хэрэгжилтийг зохицуулах газрын мэргэжилтэн Э.Энэрэл нь Төрийн нарийн бичгийн дарга П.Алтангэрэлийн хадам дүүгийнх нь хүүхэд юм.

7.Хөрөнгө оруулалт хариуцсан мэргэжилтэн Э.Мөнхмандах Стратеги, бодлого төлөвлөлтийн газрын дарга П.Алтан-Одын багын найз.

8.Барилгын хяналт хариуцсан мэргэжилтэн Л.Лхагвадалай П.Алтангэрэл дарга намын нөхөртөө тус болсны хариу болгож энэ хүнийг яамандаа авсан гэх.