УИХ-ын Эдийн засгийн байнгын хорооны дарга Б.Гарамгайбаатар тэргүүтэй төлөөлөгчид Японы Гадаад хэргийн яамны урилгаар тус улсад айлчлав.Өнгөрөгч онд УИХ-аар батлагдсан Хөрөнгө оруулалтын хууль, Төрөөс эрдэс баялгийн салбарт баримтлах бодлого, Хөрөнгө оруулалтын сангийн хууль зэрэг хөрөнгө оруулалтын эрх зүйн орчинг бэхжүүлэх чиглэлд хийгдэж буй алхмуудын талаар японы талд танилцуулахын сацуу хоёр орны эдийн засгийн харилцаанд Японтой байгуулах Эдийн засгийн түншлэлийн хэлэлцээрийн ач холбогдол чухал болохыг онцлов. Төлөөлөгчдийн бүрэлдэхүүнд УИХ-ын гишүүн Р.Амаржаргал, Д.Зоригт, Л.Энх-Амгалан нар болон УИХ-ын дэд даргын зөвлөх Ш.Энхбат нар орсон байна.
