Японы электроникийн томоохон пүүс Panasonic Хятадад ажиллаж
байгаа ажилчиддаа тус улсын агаарын бохирдол ажилчдын эрүүл мэндэд нөлөөлж буй
учир нэмэгдэл цалин олгох ёстой гэж үзжээ. Хятадад үйл ажиллагаа явуулдаг,
үйлдвэрлэлтэй компаниуд гадаадаас ирсэн ажилчиддаа цалингийн нэмэгдэл олгодог
жишиг байдаг ч Panasonic-ийн хувьд агаарын бохирдлоос үүдсэн нэмэгдэл олгож буй анхны пүүс
компани болж байна.
Panasonic энэ асуудлыг үйлдвэрчний эвлэлтэй хийх цалингийн талаар хэлэлцээний нэг хэсэг болгон оруулсан байна. Тус компани урьдчилсан байдлаар бүх ажилчдынхаа цалинг 2000 иеэн буюу 19.5 ам.доллараар нэмэхээр төлөвлөж байгаа гэнэ.
Хятадын хотуудад агаарын бохирдол тулгамдсан асуудал болсон бөгөөд БНХАУ-ын төрийн нарийн бичгийн дарга Ли Кикүиан “Агаарын бохирдолтой үе шаттайгаар тэмцэнэ” гэж Бүх ард түмний их хурал дээр хэлж байлаа.
