Төслийг хэрэгжүүлэгч  "Туркойз Хилл Ресурс" компанийн тайланд үйлдвэрийг ашиглалтад оруулснаас хойш хэд хэдэн эвдрэл гарч энэ нь олборлолтод нөлөөлсөн ч тухай бүрт яаралтай арга хэмжээ авсанаар үйлдвэрлэлээ дахин бүрэн хүчин чадлаар нь ажиллуулж байгаа тухай дурьджээ.

Түүнчлэн 2014 оны нэгдүгээр улиралд уурхайн олборлолт илүү гүнзгий хэсэг рүү орсоноор хүдэр дэх зэс, алтны агууламж улам өсч байгаа тухай болон тэдгээр алтны өндөр агууламжтай цөм хэсгээс бага хэмжээний хүдрийг Оюутолгойд баяжуулсан тухай танилцуулсан байна. 

Харин үйлдвэрийн хэтийн төлвийн тухайд компани үйлдвэрлэлийн хэмжээгээ нарийн зохицуулж, шаардлагатай үед хэрэглэгчдийнхээ захиалгад нийцүүлэх замаар 2014 оны эцэс гэхэд нөөцийн хэмжээгээ хэвийн түвшинд хүргэхээр төлөвлөж байгаа бөгөөд 2014 онд нийт 135,000-160,000 тонн баяжмал дахь зэс, 600,000-700,000 унци баяжмал дахь алт үйлдвэрлэх төлөвтэй байна гэжээ.  

Оюутолгой компанийн эхний улиралын үйлдвэрлэлийн мэдээ