“Эрдэнэс Тавантолгой” төрийн өмчит компанийн гүйцэтгэх захирал асан Б.Энэбиш гадаадад оргон зайлсан гэдгийг хуулийн байгууллагынхан хүлээн зөвшөөрөөд байсан. Тиймээс түүний хэргийг түр түдгэлзүүлээд байсан ч эргэн шалгаж эхэлсэн сурагтай. Учир нь Б.Энэбишийн байгаа газрыг олж тогтоож, цагдаа нар хойноос нь явсан сурагтай.

Б.Энэбишийг “Монголын Засгийн газар Тавантолгойн Баруун цанхиас олборлох нүүрсийг Хятадын “Чалко” компанид нийлүүлэх гэрээг хэдэн жилийн өмнө байгуулсан 250 сая ам.долларын зээлийн барьцаанд Баруун цанхийг тавиад туучихсан гэх шүүмжлэл дагуулдаг энэ гэрээг УМБГ-ын Эдийн засгийн гэмт хэрэгтэй тэмцэх тасгийнхан өмнө нь шалгаж байсан ч АТГ-т шилжүүлсэн юм.

Тиймээс энэ хэрэгт холбогдуулан тухайн үед “Эрдэнэс Тавантолгой” ТӨХК-ийн гүйцэтгэх захирлаар ажиллаж байсан Б.Энэбиш болон бусад нэр бүхий хүмүүсийг шалгаж эхэлсэн. Одоогоор түүнийг улсаас 1.6 тэрбум төгрөг завшсан гэх хэргээр шалгах ёстой ч, өөрийг нь байхгүй гэдэг шалтгаанаар түр түдгэлзүүлээд байсан юм.