Сувир Мирчандани хэмээх 14 настай сурагч хүү санхүүгийн шинжээчдийн хэдэн арван жилийн турш толгойгоо гашилгаж байсан төсвийн зардал хэмнэх энгийн аргыг нээжээ. Тэрээр бүх албан бичиг, баримтуудыг “Times New Roman”-ны оронд “Garamond” форматаар хэвлэхийг санал болгож байна. “Garamond” нь бичиг баримтыг тод, нарийхан хэвлэдэг тул будагны зардлыг 25 хувиар бууруулах юм.

Засгийн газар бичиг баримтын зардалд их мөнгө зарцуулдаг учраас энэ форматыг ашиглавал 400 сая доллар хэмнэх боломжтой гэнэ.
    Сувир хүү зөвхөн сургуулийнхаа бичиг баримтуудыг өөрийнхөө бодож олсон аргаар хэвлэхэд зардлын 24 хувийг бууруулж, жилд 21 мянган доллар хэмнэж буйг нотолжээ. Америкчууд зөвхөн иргэний бүртгэлийн системд өдөрт 20 мянган бичиг баримт хэвлэдэг байна.

15 настай Ананд Шринивасан хүү цэцэрлэгт байхаасаа л шинжлэх ухааны бүтээл дээр ажиллаж эхэлжээ. 2012 онд Цагаан ордны шинжлэх ухааны үзэсгэлэнд тавигдсан түүний бүтээл олон хүнийг алмайруулсан юм. Ананд хүү бодол, оюун ухаанаараа удирдах чадвартай хиймэл гарыг зохион бүтээжээ.
Энэ бүтээлийг туршихын тулд Ананд роботынхоо гарыг цахилгаан сигналаар харилцан үйлчлүүлж, хүний тархинаас ирж буй мэдээллээр дамжуулан удирдан чиглүүлж болох эсэхийг туршсан юм. Тэрээр тархинаас ирж буй мэдээлэлд цахилгаан импульсаар хариу үйлдэл үзүүлж болдгийг харуулсан суутан билээ.

Хуванцар сав нь олон зуун жилийн турш устаж, алга бололгүй хадгалагдаж байдаг тул хүрээлэн буй орчны хамгийн том дайсан юм. Тэгвэл Канадын Оттава хотод гарсан үзэсгэлэн дээр Даниель Берн хогийг өөрчлөх шинэ арга олжээ. Даниэль хуванцарыг 1000 гаруй жил ялзруулж, устгах чадалтай микробыг нээсэн ажээ.

Түүний шинэ бүтээгдэхүүн хувцанцарыг зургаан долоо хоногийн дотор 43 хувь муутгах чадалтай. Бичил организмаар хуванцарыг устгаснаар- хогны бэрхшээлийг шийдэж болно.

17 настай хүү Тайлор Уильсон цөмийн зэвсгийн айдас дунд амьдардаг байжээ. Тиймээс Зэвсэгт хүчнийхэнд туслах зорилгоор цөмийн зэвсэг илрүүлэгчийг бодож олсон ажээ.
Тайлор хурууны хээ илрүүлэгч нь бүх төрлийн цацраг идэвхит бодисыг илрүүлдэг болохыг нээсэн юм. Энэ бүтээлээрээ тэр 2011 онд Олон улсын шинжлэх ухааны үзэсгэлэнд оролцож, 35 сая долларын ачаа тээврийн чингэлгүүдийг хэрэглээнд нэвтрүүлэх эрхтэй болжээ.

    Орчин үед ярьж чаддаг, хиймэл тархитай роботуудыг эрдэмтэд их турших болжээ. Тэгвэл Өмнөд Африкийн ахлах сургуулийн сурагч Люк Тайлор үйл хөдлөлөөр хүмүүст англи хэл заадаг роботыг бүтээсэн байна.
Тэрээр роботод англи хэл дээр команд гүйцэтгэдэг програм хангамжийг суурилуулж, санах ойд нь кодыг хөрвүүлсэн ажээ. Гэхдээ робот зөвхөн дуу хоолойгоор дамжуулан команд гүйцэтгэнэ. Энэ ухаалаг системийг 15 настай хүүхэд бодож олсон юм.