Өмнөговь аймгийн Гурвантэс сумын нутгаас иргэд улаан хас чулууг түүж байгаль сүйтгэсээр байна. Чулуу түүж байсан нэг хүн нас барж, хоёр хүн чулуунд дарагдсан талаар МХЕГ-аас мэдээлсэн юм. Холбогдох байгууллагуудаас шалгалт явуулж, тус газарт эргүүл ажиллуулж байгаа ч чулуу түүхийг таслан зогсоож дийлэхгүй байгаа ажээ. Иймээс өнгөт болон гоёлын хагас эрдэнийн чулуу худалдан авч хууль бус үйлдлийг дэмждэг иргэдийг тагнуул, цагдаагийн байгууллага олж тогтоох шаардлагатай байгаа юм байна.