Өнгөрсөн оны арваннэгдүгээр сард Г.Алтанхүү гэгч 33 настай эрэгтэй найз охин болох 21 настай Б.Цэдэн-Ишийг олон  өдрийн турш хэрцгийгээр зодож амь насанд нь хүрсэн байж болзошгүй гэх хэрэг гарсан билээ.

Г.Алтанхүүд холбогдох хэргийн шүүх хурал өнөөдөр өглөө 10.00 цагт Дүүргийн Эрүүгийн хэргийн анхан шатны нэгдүгээр шүүхэд эхэлсэн байна.  Түүнийг Эрүүгийн хуулийн тусгай ангийн 91.1 дүгээр зүйлд зааснаар хүнийг санаатай алсан, 98.1-ийн бусдын биед санаатайгаар хүндэвтэр гэмтэл учруулсан хэмээн буруутган шүүж байгаа юм.