Олимпийн болон паралимпийн алдарт тамирчин 26 настай Оскар Писториус найз охиноо хөнөөснөө хүлээн зөвшөөрч, 5 жил хоригдох ялаар шийтгүүлсэн юм. Өмнөд Африкийн алдарт тамирчны найз бүсгүй Рийва Стинкамп Валентины баярын шөнө буюу өнгөрсөн пүрэв гарагт нийслэл Претори хотноо буудуулж амиа алдсан. Хамгийн сэжигтэй нь Өмнөд Африкийн хамгийн алдартай 29 настай модель найз бүсгүй нь Писториусын гэрт нас баржээ.
Оскар Писториус нь паралимийн рекордыг олон удаа эвдэж, гүйлтийн 6 алт, нэг мөнгө, нэг хүрэл медаль зүүсэн хамгийн өндөр амжилттай тамирчин билээ.

 Венесуэлийн сайхан бүсгүйгээр 2004 онд өргөмжлөгдөж байсан Моника Спир өнгөрсөн онд нөхөр, хүүхдийнхээ хамт явж байгаад дээрэмчдийн халдлагад өртөж, амиа алджээ. Тэрээр гэр бүлийнхээ хамт Мерида хотоос нийслэл Каракас руу явж байх үед зам дээр тээглүүлж тавьсан хурц зүйлд хоёр дугуй нь хагарч, тусламж ирэхийг хүлээж байжээ. Гэтэл хэсэг дээрэмчид гарч ирж, тэдэн рүү гал нээж эхэлсэн гэнэ. Мисс бүсгүй нөхрийнхөө хамт газар дээрээ нас барж, харин таван настай охин нь хөлдөө шархдаж, эмнэлэгт хүргэгджээ.
29 настай Моника Спир уг нь Венесуэльд амьдрахаа болиод АНУ-д оршин суудаг болсон байж. Тэрээр шинэ жилийн баяраар охиноо баярлуулахаар хуучин нөхөртэйгөө хамтдаа гэр бүлээрээ Венесуэльд амрахаар ирээд байжээ. Мисс бүсгүй өмнө нь зургаан ч удаа дээрэмдүүлж байсан учраас эх орноо аргагүйн эрхэнд орхиод байсан нь энэ гэнэ.

 

3. Мариа Хосе Алварадо

    Дэлхийн миссийн тэмцээнд оролцохоор шалгарсан Гондурас улсын гоо бүсгүй 19 настай Мариа Хосе Алварадо эгчийнхээ хамт сураггүй алга болсон талаар бид өмнө нь мэдээлж байсан билээ. Хоёр бүсгүйн цогцсыг өчигдөр Санта Барбара хотын баруун хэсэгт орших голоос олжээ. Цагдаа нар энэ хэрэгт холбоотой хоёр сэжигтнийг баривчлан саатуулав.
Миссийн эгч 23 настай Софиа Тринидадын найз залууг бүсгүйчүүдийг буудан хороосныхоо дараа цогцсыг нь нуухыг оролдсон хэмээн сэжиглэж, баривчиллаа. Энэ хэрэг хардалтаас үүдэлтэй хэмээн таамаглаж байна.
Хатагтай Алварадо нь ирэх арванхоёрдугаар сард Лондон хотноо болох Дэлхийн миссийн тэмцээнд оролцохоор өнгөрсөн дөрөвдүгээр сард титмээ гардаж авсан юм.

1950-аад оны үеийн өөр нэгэн секс билэг тэмдэг, Playboy-ын хуудаснаа нилээд олон удаа зургаа хэвлүүлсэн жүжигчин Жейн Минсфейлд нь 1955 оны хэвлэлээс “Хоёрдугаар сарын гоо бүсгүй” гэсэн өргөмжлөлийг хүртсэн нэгэн. 13 жилийн карьерынхаа туршид 30 орчим кинонд тоглосон тэрээр 1967 оны 6-р сарын 29-нд Нью Орлеансын ойролцоо найз залуугийнхаа хамт автомашины осолд орж амиа алдсан юм. 34 настай энэ бүсгүйн үхэл маш аймшигтай байсан бөгөөд машины урд суудалд сууж явсан гурван насанд хүрэгчид газар дээрээ нас барсан байна.

Бразилын мисс Мариана цусны халдвараар 2009 онд эмнэлэгт нас барсан юм. Үхлийн шалтгаан нь шээсний замаас үүдэлтэй идээт цусан халдвар гэж тогтоожээ. Дэлхий нийтийн анхаарлыг татаж байсан энэ сайхан бүсгүйг оршуулах ёслолд 1000 гаруй хүн оролцсон байна.