Их Британийн иргэн, 24 настай Сара Кармен өдөрт 200 удаа дур ханадаг байна. Эмч нар түүнийг Сексийн дур хүсэл байнга өдөөгдөх синдром (PSAS)-оор шаналж байгаа гэж үздэг. Энэ нь бэлэг эрхтний цусны урсгал огцом нэмэгдэхийг хэлж буй ажээ. Сара өөрийгөө тайвшруулах олон аргыг хэрэглэж, сүүлдээ эм уугаад ч тус нэмэр болоогүй гэнэ. “Секс хийлгүй хэдэн долоо хоноход л дур хүсэл урьд өмнөхөөсөө илүү төрдөг. Найз залуу маань анхандаа ихэд гайхдаг байсан. Зургаан сарын турш өөртөө ажиглалт хийхэд өдөрт 150-200 удаа дур ханасан” хэмээн Сара ярьжээ.

59 настай Перри бургер, амттан, жигнэмэг зэргийг хязгааргүйгээр идэх боловч огтхон ч таргалдаггүй. Үүнийг анагаах ухаанд “липодистрофия” буюу биеийн өөхийг хэт хурдан шатаах эмгэг гэж нэрлэдэг ч эмчлэх аргыг өнөө хүртэл олж чадаагүй юм. Перри 12 настай хүүхэд байхаасаа л таргалах гэж бүтэн өдөржингөө унтаж, тэжээллэг хоол идсэн ч энэ оролдлого амжилтгүй болжээ. Түүний бие инсулиныг хэвийн хүнээс зургаа дахин ихээр боловсруулдаг байна.

Голландын иргэн Вим Хофыг “Мөсөн хүн” гэж нэрлэдэг. Тэр мөсөн доор сэлж, хөлдүү голын усанд таван цагийн турш байсан юм. Мөн Эверестийн оргилд шорттой авирч, шинэ сорилтуудыг өөрөө зохиосоор Геннисийн амжилтыг эвджээ. Анагаах ухаанд нотолсон хүний хүйтнийг давах чадварын тухай бүх үндэслэлийг няцаасан Вим Хоф уйгагүй хичээл зүтгэлийнхээ үр дүнд ийм амжилт гаргасан гэж өөрөө тайлбарладаг. Шинжлэх ухаанд үүнийг одоог хүртэл тайлбарлаж чадаагүй байна. Гэхдээ түүний биеийн дулаан хадгалах чадвар онцгой гэдгийг бүгд хүлээн зөвшөөрдөг.

Рэт Лэмб хэмээх хүү нүдээ цавчиж чаддаггүй учраас өдрийн 24 цагийн турш сэрүүн байдаг. Хүүгийнхээ төлөө зовж шаналсан эцэг, эх нь эмч нарт хандсан ч учрыг  олж чадаагүй гэнэ. "Тархины эс шахагдаж, агшсаны улмаас унтах, ярих, амьсгалах зэрэг үйлдлийг хянах тогтолцоо алдагдаж эхэлдэг" хэмээн доктор Савард тайлбарлав.

Өсвөр насны охин Эшли Моррис бусадтай адил усанд сэлж, халуун ваннд орж чаддаггүй. 19 настай тэрээр усанд биеэ хүргэх юм бол өвдөж, шархалдаг байна. Австралийн Милбурн хотын эмч нар түүнийг уснаас харшилтай хэмээн оношилжээ. Халуун, хүйтэн ямар ч температуртай уснаас энэ харшил үүсдэг. Үүнийг Aquagenic Urticaria хэмээх арьсны ховор өвчин гэж оношилж байна.

40 настай, гэрлэсэн эмэгтэй өнгөрсөн амьдралынхаа бүх түүхийг санадаг гэвэл та итгэх үү? АНУ-ын Калифорнийн их сургуулийн эрдэмтэд хувийн амьдралын түүх, олон нийтийн тэмдэглэлт үйл явдлуудыг мартдаггүй онцгой хүмүүсийг судлаад “зогсошгүй, хянах боломжгүй, автомат ой санамжтай” гэж тодорхойлжээ. 40 настай Элизабет хэмээх бүсгүй 25 жилийн өмнө санаандгүй байдлаар болзсон хүнээ хүртэл тод санадаг. Тухайн өдөр хэд дэхь гариг байсан, цаг агаар ямар байсан зэрэг бүх зүйлийг тоочиж чадна. Үүнийг мэдрэлийн системийн hyperthymestic синдром гэж нэрлэдэг байна.

17 настай Натали Купер идсэн бүх хоолноосоо харшилж, өвддөг ховор төрлийн эмгэгтэй гэнэ. Түүнд ганц тохирдог хүнс нь Tic tac гаа юм. Хоол тэжээлийн дутагдалд орсон охиныг гуурсаар хооллохоос өөр аргагүй болдог гэнэ. Эрдэмтэд үүний шалтгааныг илрүүлж чадаагүй байна.

Английн Линкольн мужийн оршин суугч, 24 настай Крис Сэндс хоёр скеунд тутам зогьсдог тул унтаж ч чадахаа байжээ. Түүнийг ховс, йог зэрэг олон аргаар анагаах гэж оролдсон боловч бүтэлгүйтжээ. Крисийн ходоодны хавхлаг хүчиллэг бодисонд хордсон тул ийм эмгэгтэй болсон гэж судлаачид үзэж байна. Түүний ходоодны тал хэсгийг тайрах хагалгаа хийсний дараа зогьсох нь багасч, хөгжмийн тоглолтоо дөрвөн цаг сонирхуулах чадвартай болжээ. Хатан хааны эмнэлгийн докторууд түүний гэдэс, ходоодыг байнга хянадаг байна.