Их, дээд сургуулиудыг сургалт, судалгаа, инновацийн төв болгон хөгжүүлэх чиглэлд өнгөрсөн хоёр жилд салбарын яамнаас тодорхой бодлого хэрэгжүүлжээ. Тухайлбал 2013 онд 416 судалгаа боловсруулалтын ажил буюу эрдэм шинжилгээний төслийг нийт 9,1 тэрбум төгрөгөөр, 2014 онд 410 төслийг 9,1 тэрбум төгрөгөөр санхүүжүүлж хэрэгжүүлсэн байна. 

 

    Үүний үр дүнд Молекул генетикийн дэвшилтэт технологийг хорт хавдрын оношлогоо, эмчилгээнд нэвтрүүлэх, Малыг халдваргүй өвчнөөс эрүүлжүүлж,  ашиг шимийг  нэмэгдүүлэх, эм бэлдмэлийн технологи, Байгалийн гаралтай түүхий эд ашиглан шинэ эм, уламжлалт жор, биобэлдмэл, бүтээгдэхүүн үйлдвэрлэх технологи, В, С вирусын нэг клонт эсрэг биеийг лабораторын нөхцөлд гарган авч үйлдвэрлэлд нэвтрүүлэх боломж, Жоншноос эмийн уламжлалт технологийн аргаар биологийн идэвхит бэлдмэл гарган авах зэрэг олон шинэлэг, практик ач холбогдол өндөртэй судалгааны ажлуудыг их, дээд сургуулийн эрдэмтэн багш нар, профессорын багууд оюутнуудынхаа хамт хийж байгаа ажээ.