Увс аймгийн Баруунтуруун сум дахь хилийн 0311 дүгээр ангийн хоёр хилчин осолдож нэг нь амиа алдан, нөгөө нь хүнд гэмтсэн хэрэг уржигдар гарчээ. Эх сурвалжийн хэлж буйгаар хилийн 0311 дүгээр ангийн офицер нь жолооч ахлагчийнхаа хамтаар чонын авд мордож, ангаа хөөж яваад машинтайгаа эрэг рүү онхолдсон байна. Жолооч нь газар дээрээ амиа алдаж, офицер нь Баруунтурууны эмнэлэгт эмчлүүлж байгаа гэнэ.