“Зүүн салаа”-ны бага оврын автобусны
чиглэлийг өнөөдрөөс эхлэн БЗД-ийн 2,4-р хороо руу сунгалаа. Зүүн салааны бага оврын
автобусны эцсийн буудал нь КТМС-ын буудал байсан бол өнөөдрөөс эхлэн тус
чиглэлийг 1,2 км-ээр сунгаж 801-р ангиар
дайрч, хойшоо “Хотол чуулган дэлгүүр” хүртэл үйлчилж байхаар болголоо. Баянзүрх
дүүргийн 25 мянган иргэн оршин суудаг олон мянган
өрхтэй томоохон гэр хороолол руу шинэ зам тавигдсанаар ийнхүү бага багтаамжийн
автобусны чиглэлийг сунгах боломж бүрдсэн байна. Тус хороодын иргэд, ялангуяа сургуулийн
хүүхдүүд төв зам хүртэл алхаж автобусанд суудаг бөгөөд цөөн тооны хувийн машинууд
хүн тээвэрлэдэг байсан. Замын нөхцөл сайжирснаар ийнхүү албан ёсны нийтийн
тээврийн үйлчилгээг иргэдэд хүргэж байна. ТШ:9 “Одонт хороо-Зүүн
салаа-Сансар-Хотол чуулган дэлгүүр” чиглэлд “Эрийн хийморь”, “Авто өртөө”
компаниудын нийт 26 бага багтаамжийн автобус өглөөний 6.30-аас орой 22.15
хүртэл үйлчилнэ. Автобус хоорондын хүлээлтийн хугацаа 4 минут байх юм. Т.Хулан
