Швед улсын шүүхээс манай улсын иргэн С.Бат-Отгонд өгсөн 11 жилийн ялыг бага байна хэмээн хохирогчийн талаас давж заалдаад байсан. Мөн С.Бат-Отгоны ар гэрийнхэн ч оноосон ялыг эсэргүүцэн давж заалдахаа мэдэгдсэн. Харин давж заалдах шатны шүүх хурал өнгөрсөн долоо хоногт болж, түүнд оноосон ялыг хэвээр үлдээжээ. Тэрээр өнгөрсөн оны долдугаар сарын 11-нд Шведийн Стокгольм хотын Пэли-Хэссэлби дүүрэгт Арабын иргэн 18 настай эрэгтэйг хутгалж, амь насыг нь хөнөөсөн юм. Тиймээс Шведийн хуулийн байгууллагаас түүнийг саатуулан шалгаж, өнгөрсөн арванхоёрдугаар сарын 19-нд хүний амь хөнөөсөн гэх үндэслэлээр шүүсэн билээ. Хэдийгээр түүний хэргийг аргагүй хамгаалалт гэж үзсэн ч зэвсгийн чанартай зүйл буюу хүйтэн мэс хэрэглэж хүний амь хохироосон гэсэн үндэслэлээр 11 жилийн хорих ял оноосон юм.Б.Чимэг
