Хөрөнгө, орлогын мэдүүлгийн бүрдүүлэлтийн ажлын хүрээнд Авлигатай тэмцэх газарт 270 орчим албан тушаалтан 2011 оны хөрөнгө, орлогын мэдүүлгээ бүртгүүлэхээс 176 албан тушаалтан мэдүүлгээ бүртгүүлсэн байгаа нь тус газарт мэдүүлгээ бүртгүүлдэг нийт албан тушаалтны 65 хувь байна.

   Авлигатай тэмцэх газарт хөрөнгө, орлогын мэдүүлгийн тайлан, мэдээг нэгтгэж ирүүлдэг төрийн болон нутгийн захиргааны төв байгууллагууд албан тушаалтнуудынхаа ХОМ-ийг бүртгэж, хүлээн авсан байдлыг авч үзвэл, нийт 121 байгууллагын хэмжээнд ХОМ-ийн бүрдүүлэлт дунджаар 90.9 хувьтай байна. Нийт хөрөнгө, орлогоо бүртгүүлбэл зохих 58000 орчим албан тушаалтны 52700 нь буюу 91 орчим хувь нь ХОМ-ээ мэдүүлсэн байна.

   Дорноговь, Дундговь аймгийн ЗДТГ, Усны газар зэрэг 12 байгууллага хөрөнгө, орлогын мэдүүлгийн ХОМ-1, ХОМ-2 тайланг гаргаж Авлигатай тэмцэх газарт ирүүлсэн ба 43 байгууллага ХОМ-ийг 100 хувь, 109 байгууллага 70 хувиас дээш бүртгэж, хүлээж авсан байна.