Хятадын агаарын тээврийн корпорацийн үйлдвэрлэсэн АС313 хүнд даацын нисдэг тэрэг туршилтын нислэгээ Өвөр Монголд амжилттай үйлдэв. Эрс хүйтрээд байгаа Хөлөнбуйрт туршсан энэ нисдэг тэргийг хойд ба өмнөд туйл, Төвдөд цэргийн бус зориулалтаар ашиглахаар хятадууд зохион бүтээсэн гэж мэдэгдэж байна. Хайлаар хотын нисэх буудалд хийсэн туршилтын нислэгийн дүнд цельсийн -46 ба түүнээс ч хүйтэнд хөдөлгүүрийг хэвийн ажиллуулж болохыг тогтоолоо гэж мэдээнд дурджээ.Эрэл хайгуул, аврах ажиллагаа, эмнэлгийн тусламж, VIP жуулчлал зэрэгт ашиглаж болох АС313 нисдэг тэргийг нийлүүлэх 32 захиалга аваад байгаагаа энэ хөлгийн зохион бүтээгч Сюй Чаолян ярьсан байна.
