“Киви” хамтлагийн ахлагч, дуучин Ука өнөөдөр анхны бие даасан “I аm in Love” цомгоо хэвлэлийнхэнд танилцууллаа. “I am in love”  цомог нь 12 дуутай аж.  Цомгийн ажлыг АНУ-ын New York  хотын “The Lodge” студи  Joe Laporta хийжээ. Зургийн ажлыг Парис хотноо “Ecolesupiere relooking” болон “Comm and coach” агентлагууд гүйцэтгэсэн бөгөөд зурагчнаар  Philip нүүр хувиргагчаар  Lui, үсний засалтыг  Vanessa,  Sofia нар ажиллажээ.

Мөн цомгийн ажлыг жилийн хугацаанд хийсэн ба үг, ая дээр нь засвар хийж нэг дууг долоон хоног бичжээ.Тус цомгийн зураг авалтыг Парис хотод хийжээ.  Мөн Uка.mn  вэб сайт нэг дэхь өдөр нээгдэнэ. Сонирхуулахад: Киви хамтлаг дэргэдээ Майенд вайт нэртэй мэдээллийн хэрэгсэлтэй болжээ. Одоогоор тус сайт Киви хамтлагийн вэб сайтан дээр ажиллаж байгаа юм байна. Укагийн шинэ цомог маргаашнаас эхлэн  “Hi-Fi”-гийн бүх салбаруудаар худалдаалагдах аж.