Өчигдөр АН-ын бүлгийн гишүүд Батлан хамгаалахын сайд Ж.Энхбаярыг ажилчидаа хууль бусаар халсан эсэхийг тогтоох ажлын хэсэг гаргасан билээ. Сүүлд мэдээлснээр тэрбээр Батлан хамгаалах яамны төрийн нарийн бичгийн даргын үүрэг гүйцэтгэгч, Төрийн захиргаа, удирдлагын хэлтсийн дарга Ш.Сүхбаатар, Хөрөнгө оруулалт, санхүүгийн хэлтсийн дарга Жаргалсайхан, хэвлэлийн төлөөлөгч Батцэнгэл нарыг ажлаас нь халсан байна. Мөн хэд хэдэн газрын дарга нарыг хална гэдгээ ч мэдэгдсэн аж. АН-ын бүлэг сөрөг хүчний хувьд түүний энэ үйлдэл батлагдвал сайдын суудлаас огцруулах санал гаргана гэж бүлгийн хурлаар шийдсэн байна.