Монголын хошин урлагийн ууган гавъяатууд болон олон алдартай жүжигчдийн хамтран бүтээсэн нэгэн шинэ кино энэ сарын 20-нд кино театруудад зэрэг нээлтээ хийх гэж байна. Тус кино “Хайртай бол хартай” хэмээх нэртэй бөгөөд зохиолыг Д.Оюунсүрэн, Ц.Төмөрхуяг, Д.Даулетжан нар бичиж, продюсерээр Э.Энхжин, ерөнхий найруулагчаар Ц.Төмөрхуяг, зураглаачаар Б.Баясгалан, хөгжмийн зохиолчоор Ж.Энхбаяр нар ажиллажээ. Тус киноны гол дүрүүдэд: /СТА/ Р.Алтансүх, /СТА/ Р.Өлзийхүү, /СТА/ Д.Төвшинтөр /СТА/ Ш.Жавхлан нар тоглосон бөгөөд дүрүүдэд: /МУГЖ/ Б.Батзаяа, /МУГЖ/ Ц.Цэнд-Аюуш, /МУГЖ/ Б.Туяа, /МУГЖ/ Б.Магсар, /МУГЖ/ Л.Чаминчулуун, /МУГЖ/ Ж.Оюундарь, /МУГЖ/ Ц.Төмөрхуяг, /СТА/ Д .Ганцэцэг, /СТА/ Ц,Ганзориг, /СТА/ Д.Дэлгэрсайхан, /СТА/ Д.Даулетжан, Р.Адъяа, Х.Даваажав нар тогложээ. Ийнхүү кино урлагт тэр дундаа инээдмийн киноны төрөлд нэгэн шинэ түүхийг бичиж үлдээхээр долоон гавъяат маань хамтран энэхүү кинонд тоглосон байна.
